ဒီဇင်ဘာ ၁၂ ရက်နေ့ နေ့လည်ခင်း အထိ ရရှိထားသမျှ ကမ္ဘာ့ဖလားနဲ့ ပတ်သတ်တဲ့ စိတ်ဝင်စားစရာ သတင်းတွေကို ဆက်လက် ဖော်ပြပေးသွားမှာ ဖြစ်ပါတယ်။
အရာအားလုံး ပေးဆပ်ခဲ့တယ်လို့ ရော်နယ်ဒို ကြေကွဲဖွယ် ဖွင့်ဟ
ကမ္ဘာ့ဖလား ပြိုင်ပွဲက ထွက်ခဲ့ရတဲ့နောက် ပေါ်တူဂီ လက်ရွေးစင် အသင်းခေါင်းဆောင် ခရစ္စတီယာနို ရော်နယ်ဒိုက သူ့အနေနဲ့ အခု ကမ္ဘာ့ဖလား အိပ်မက် အတွက် အရာအားလုံး ပေးဆပ်ခဲ့ကြောင်း ကြေကွဲစွာနဲ့ ဖွင့်ဟ ပြောကြားခဲ့ပါတယ်။
ပေါ်တူဂီဟာ ကမ္ဘာ့ဖလား ကွာတားဖိုင်နယ်မှာ မော်ရိုကို,ကို တစ်ဂိုး ဂိုးမရှိနဲ့ ရှုံးနိမ့်ခဲ့ပြီးနောက် ပြိုင်ပွဲက ထွက်ခွာခဲ့ရတာ ဖြစ်ပါတယ်။ အဆိုပါပွဲအပြီး အဝတ်လဲခန်းထဲ သွားရာလမ်းမှာလည်း ရော်နယ်ဒို တစ်ယောက် ငိုကြွေးခဲ့ပါသေးတယ်။
ကာတာမှာ အိန္ဒိယဘောလုံးပရိသတ် (၉) ထောင်နီးပါး ရောက်ရှိနေ
လက်ရှိ (၂၀၂၂) ကာတာ ကမ္ဘာ့ဖလား ပြိုင်ပွဲက ဆီမီးဖိုင်နယ် အဆင့်ကို ရောက်ရှိလာခဲ့ပြီ ဖြစ်ပြီး ဘောလုံးအားကစားကို ရူးသွပ်တဲ့ အိန္ဒိယနိုင်ငံသားတွေ ကလည်း အာရှဒေသတွင်းမှာ ကျင်းပတဲ့ ကမ္ဘာ့ဖလားကို အရောက် လှမ်းခဲ့ကြတာပါ။
လက်ရှိ အချိန်မှာ အိန္ဒိယနိုင်ငံ အရှေ့ပိုင်းက ပရိသတ် (၁) သောင်းနဲ့ (၁) သောင်း (၂) ထောင်က ကာတာ နိုင်ငံကို ရောက်ရှိနေပြီး နောက်ထပ် ကိုလ်ကတ္တားမြို့သား (၁,၅၀၀) အနည်းဆုံးက ဆီမီးဖိုင်နယ်နဲ့ ဗိုလ်လုပွဲအတွက် ကာတာ နိုင်ငံကို ရောက်လာဦးမှာဖြစ်ကြောင်း အိန္ဒိယအခြေစိုက် ခရီးသွား ကုမ္ပဏီ တစ်ခုက အတည်ပြုခဲ့ပါတယ်။
ဟယ်ရီကိန်းရဲ့ နာကျင်မှုကို နားလည်ကြောင်း ပြင်သစ်ဂိုးသမား လိုရစ်ဖွင့်ဟ
ပြင်သစ် လက်ရွေးစင် အသင်းရဲ့ အသင်းခေါင်းဆောင် ဂိုးသမား ဟူဂို လိုရစ်က ကမ္ဘာ့ဖလား ကွာတားဖိုင်နယ် ပွဲစဥ် အဖြစ် ပြင်သစ်နဲ့ အင်္ဂလန်နဲ့ ပွဲမှာ ပင်နယ်တီလွဲခဲ့တဲ့ ဟယ်ရီကိန်းရဲ့ နာကျင်မှုကို မျှဝေခံစားနိုင်ကြောင်း ဖွင့်ဟခဲ့ပါတယ်။
ပွဲအပြီး မှာတော့ လိုရစ်က ဟယ်ရီကိန်းရဲ့ ပင်နယ်တီလွဲချော်မှုက ပြင်သစ်ကို ကံကောင်းစေခဲ့ကြောင်း၊ ဟယ်ရီကိန်းက သန်မာပြီး ဒီအကြောင်းကို အကြာကြီး တွေးနေမှာ မဟုတ်ကြောင်း၊ ဒီနာကျင်မှုကို မျှဝေခံစားနိုင်ကြောင်းနဲ့ ပွဲအပြီးမှာ ဟယ်ရီကိန်းနဲ့ စကားမပြောဖြစ်ခဲ့ကြောင်း ဖွင့်ဟခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
