မဖြစ်မနေ နိုင်ပွဲ ပြန်ရှာရတော့မယ့် လိဒ်စ်ယူနိုက်တက်ကို ယုံကြည်ကြမယ်

လိဒ်စ်ယူနိုက်တက် vs ဘရိုက်တန်

ပြိုင်ပွဲစုံ ရှုံးပွဲတွေခဲ့တဲ့ လိဒ်စ်ယူနိုက်တက်တို့ လာမယ့် စနေနေ့မှာတော့ တန်းဆင်းဇုန်ရဲ့ အထက်မှာ ရပ်တည်နေတဲ့ ဘရိုက်တန်ကို အဲလန်ရုတ်ဒ်မှာ လက်ခံကစားရဖို့ ရှိနေပါတယ်။ လိဒ်စ်ယူနိုက်တက်တို့ လက်ရှိ အမှတ်ပေးဇယား ၁၂ နေရာမှာ ရပ်တည်နေပြီး ဖိအား သိပ်မရှိပေမယ့် ဘရိုက်တန်ကတော့ အဆင့် ၁၇ နေရာမှာ ရပ်တည်နေလို့ ရမှတ်လိုအပ်ချက် အတွက် ကျိန်းသေပေါက် ရုန်းကန်လာဦးမှာပါ။

လိဒ်စ်ယူနိုက်တက်တို့ ပရီးမီးယားလိဂ် အပါအဝင် နောက်ဆုံးကစားခဲ့တဲ့ အက်ဖ်အေဖလားမှာ လိဂ်တူးကလပ် ခရော်လီတောင်းကို ဂိုးပြတ်အရေးနိမ့်ခဲ့ပါတယ်။ တော့တင်ဟမ်ဟော့စပါးလို အသင်းကြီး တစ်သင်းကို ရှုံးနိမ့်ခဲ့တာ လက်ခံလို့ ရပေမယ့် အသင်းငယ်လေး တစ်သင်းကို ရှုံးနိမ့်ခဲ့တာနဲ့ ပတ်သတ်လို့တော့ နည်းပြကြီး မာဆယ်လို ဘီရာဆာရဲ့ နည်းစနစ်ပိုင်းဆိုင်ရာကို မေးခွန်းထုတ်စရာရှိပါတယ်။ အရန်ကစားသမားတချို့ကို ပွဲထွက်ကစားစေခဲ့တယ် ဆိုပေမယ့် လီယမ်ကူပါး၊ အယ်လီရိုစကီး၊ ကယ်ဗင်ဖီးလစ်၊ ရိုဒရီဂို၊ ဟဲလ်ဒါကော်စတာ တို့ ပါဝင်ခဲ့ပါတယ်။ ပုံမှန်သုံးနေကျ ၄-၁-၄-၁ အစား ၃-၄-၃ ကစားကွက်ကို ပြောင်းလဲ အသုံးပြုခဲ့ပြီး ကယ်ဗင်ဖီးလစ်ကို နောက်တန်း ညာအစွန်မှာ ကစားစေခဲ့တာကြောင့် ကွင်းလယ်ဘောလုံး ဖြန့်ကျက်မှုအပိုင်းမှာ လိုအပ်ချက်တွေ ရှိသွားခဲ့တာ တွေ့ရပါတယ်။ အခုပွဲမှာတော့ ကယ်ဗင်ဖီးလစ် အနီကတ် ပြစ်ဒဏ်ကြောင့် ပါဝင်လာနိုင်ဖို့ မရှိပါဘူး။ လိဒ်စ်ယူနိုက်တက်ရဲ့ နောက်ဆုံး ၅ ပွဲ စွမ်းဆောင်ရည်ကို ကြည့်မယ်ဆိုရင် ၂ ပွဲသာ အနိုင်ရပြီး ၃ ပွဲရှုံးထားပါတယ်။ အိမ်ကွင်းမှာ ကစားခဲ့တဲ့ ၈ ပွဲမှာ ၃ ပွဲနိုင်၊ ၂ ပွဲသရေ၊ ၃ ပွဲရှုံးထားတာကြောင့် အားရစရာတော့ မရှိပါဘူး။

ဘရိုက်တန်ကတော့ နောက်ဆုံးကစားခဲ့တဲ့ ပရီးမီးယားလိဂ် ၉ ပွဲဆက် နိုင်ပွဲပျောက်ဆုံးထားခဲ့ပြီး အမှတ်ပေးဇယား အဆင့် ၁၇ နေရာမှာ ရောက်ရှိနေပါတယ်။ လက်ရှိ တန်းဆင်းဇုန်ရဲ့ အထက် မှာ ၂ မှတ် အကွာနဲ့ ရပ်တည်နေလို့ လာမယ့် ပွဲတွေမှာသာ ရလဒ်ကောင်းတွေ မရှာဖွေနိုင်ခဲ့ဘူးဆိုရင် တန်းဆင်းဇုန်ထဲ ရောက်ရှိသွားဖို့ ရှိနေခဲ့ပါတယ်။ လက်ရှိ ပရီးမီးယားလိဂ်မှာ နိုင်ပွဲ ၂ ပွဲသာ ရှိထားပြီး ၈ ပွဲသရေ၊ ၈ ပွဲ ရှုံးနိမ့်ထားလို့ သရေပွဲ အများဆုံး အသင်းဖြစ်သလို ရှုံးပွဲ အများဆုံး အသင်းတွေထဲမှာလည်း ပါဝင်နေခဲ့ပါတယ်။ အဝေးကွင်းမှာ ၉ ပွဲကစားထားပြီး ၂ ပွဲနိုင်၊ ၃ ပွဲသရေ၊ ၄ ပွဲရှုံးထားပါတယ်။

ထိပ်တိုက်တွေ့ဆုံမှုနဲ့ သမိုင်းကြောင်း

လိဒ်စ်ယူနိုက်တက်နဲ့ ဘရိုက်တန်တို့ရဲ့ ထိပ်တိုက်တွေ့ဆုံမှု ၄၅ ကြိမ်မှာ လိဒ်စ်ယူနိုက်တက်က ၁၈ ကြိမ် အနိုင်ရပြီး ဘရိုက်တန်က ၁၆ ကြိမ်အနိုင်ရထားပါတယ်။ ၁၁ ကြိမ်ကတော့ သရေရလဒ်နဲ့ ပွဲပြီးဆုံးထားပါတယ်။ ဒီနှစ်သင်းဟာ ၂၀၁၆-၁၇ ဘောလုံးရာသီတုန်းက ချန်ပီယံရှစ်မှာ နောက်ဆုံး တွေ့ဆုံထားခဲ့ပြီး ဘရိုက်တန်က နှစ်ကျော့စလုံးမှာ ၂-၀ ရလဒ်တွေနဲ့ အနိုင်ရထားပါတယ်။

လောင်းကြေးဆိုင်ရာအကြံပြုချက်များ

	လိဒ်စ်ယူနိုက်တက် vs ဘရိုက်တန်	1X2 လိဒ်စ်ယူနိုက်တက် @ 2.17
	ဇန်နဝါရီလ ၁၆ ရက်, မနက် ၉:၃၀ နာရီ (GMT + ၆:၃၀)

1X2 ရဲ့ ပေါက်ကြေးအရ အိမ်ရှင်အသင်းအတွက် ၂.၁၀ ဆ နဲ့ ဧည့်သည်အသင်းအတွက် ၃.၄၀ဆ ကြေးဖွင့်ပြီး သရေအတွက် ၃.၅၀ဆ ကြေးဖွင့်ထားတာ တွေ့ရပါတယ်။ ထိပ်တိုက်တွေ့ဆုံမှု တော်တော်များများမှာ အကြိတ်အနယ်ရှိခဲ့ပြီး တစ်သင်းတည်းက အပြတ်အသတ် အသာရခဲ့ခြင်း မရှိတာ တွေ့ရပါတယ်။ နောက်ပိုင်း ထိပ်တိုက်တွေ့ဆုံမှု တော်တော်များများမှာတော့ ဘရိုက်တန်တို့ အသာရထားတယ် ဆိုပေမယ့် လက်ရှိ ခြေစွမ်းအရတော့ အိမ်ရှင်အသင်းကို ခံကစားနိုင်ဖို့ မရှိပါဘူး။ လိဒ်စ်ယူနိုက်တက် တို့ကလည်း ပြီးခဲ့တဲ့ ပွဲတွေမှာ ရှုံးပွဲတွေ ဆက်တိုက်ကြုံခဲ့တာကြောင့် အခုပွဲမှာ အနိုင်ရဖို့ အားထုတ်လာပါလိမ့်မယ်။ လိဒ်စ်ယူနိုက်တက်တို့ ၃-၁ နဲ့ အနိုင်ရသွားမယ် ထင်ပါတယ်။

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )