အသင်းဟောင်းရဲ့ ငွေကြေးသုံးစွဲမှုကို ဝေဖန်လိုက်တဲ့ မော်ရင်ဟို၊ လက်စတာရဲ့ ပစ်မှတ်ကို ရောင်းချမှာ မဟုတ်ဘူးလို့ အကြောင်းပြန်လိုက်တဲ့ ဖီအိုရင်တီးနား စတဲ့ သတင်းတွေ အပါအဝင် ဇန်နဝါရီ ၁၇ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
အသင်းဟောင်းရဲ့ ငွေကြေးသုံးစွဲမှုကို မော်ရင်ဟို ဝေဖန်
ချဲလ်ဆီးဟာ အာဆင်နယ်ရဲ့ အဆိုပါ ပစ်မှတ် ကစားသမားကို ငွေကြေး အင်အားနဲ့ ကြားဖြတ် ခေါ်ယူခဲ့တာ ဖြစ်ပြီး တော့ဒ်ဘိုလေ လက်ထက် ချဲလ်ဆီးရဲ့ ငွေကြေး သုံးစွဲမှုက ယူရိုသန်း (၄၀၀) ဝန်းကျင် ရှိလာခဲ့ပါတယ်။
ဒါပေမယ့် စီးရီးအေ ကလပ်ရဲ့ နည်းပြကြီး မော်ရင်ဟို ကတော့ ချဲလ်ဆီးကို သွယ်ဝိုက် ဝေဖန်ခဲ့တာ ဖြစ်ပြီး ရိုးမား အနေနဲ့ ကစားသမားတွေရဲ့ ဒဏ်ရာပြဿနာ အတွက် ဖြေရှင်းနည်း ရှာရမယ် ဆိုပေမယ့် မူဒရစ်ခ် ကိုတော့ ပေါင်သန်း (၉၀) အထိ ပေးပြီး ခေါ်ယူမှာ မဟုတ်ကြောင်း သွယ်ဝိုက် ထိုးနှက်သွားခဲ့တာ ဖြစ်ပါတယ်။
လက်စတာရဲ့ ပစ်မှတ်ကို ရောင်းချမှာ မဟုတ်ကြောင်း ဖီအိုရင်တီးနား အကြောင်းပြန်
စီးရီးအေ ကလပ် ဖီအိုရင်တီးနားဟာ သူတို့ရဲ့ တိုက်စစ် ကစားသမား နီကိုးလပ်စ် ဂွန်ဇာလက်ဇ်ကို ရောင်းချသွားမှာ မဟုတ်ကြောင်း အကြောင်းပြန်ခဲ့ပါတယ်။
အဆိုပါ ကြယ်ပွင့်ကို လက်စတာစီးတီးက ခေါ်ယူဖို့ စိတ်ဝင်စားနေပြီး ပြောင်းရွှေ့ကြေး ပေါင်သန်း (၃၀) ပေးချေသွားဖို့ ပြင်ဆင်နေကြောင်း သတင်းတွေက ဖော်ပြခဲ့ပါတယ်။
ဒါပေမယ့် အသက် (၂၄) နှစ် အရွယ် အဆိုပါ အာဂျင်တီးနား ကစားသမားကို ဖီအိုရင်တီးနား ဘက်က အသင်းမှာ ဆက်ထိန်းထားဖို့သာ ဆန္ဒရှိနေပြီး ရောင်းချမှာမဟုတ်ကြောင်း လက်စတာထံ အကြောင်းပြန်ခဲ့တယ်လို့ သိရှိရပါတယ်။
အေစီမီလန် စီးရီးအေ ချန်ပီယံ ဖြစ်နိုင်သေးကြောင်း ဘန်နက်ဆာ ပြောကြား
အေစီမီလန်ကွင်းလယ်လူ အစ္စမေးလ် ဘန်နက်ဆာက အသင်း အနေနဲ့ ဒီရာသီ မှာလည်း စီးရီးအေ ချန်ပီယံဆုကို ကာကွယ်နိုင်သေးကြောင်း ဖွင့်ဟ ပြောကြားခဲ့ပါတယ်။
အေစီမီလန်ဟာ ဒီတစ်ပတ် ကစားခဲ့တဲ့ လက်ချီနဲ့ စီးရီးအေ အဝေးကွင်း ပွဲစဥ်မှာ နှစ်ဂိုးစီ သရေကျခဲ့ပြီးနောက် ဦးဆောင်သူ နာပိုလီနဲ့ (၉) မှတ် အထိ ကွာဟသွားခဲ့ပြီ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
