ဒီတစ်ခါ မှာတော့ ဩဂုတ်လ ၁၅ ရက်နေ့ အထိ ရရှိထားသမျှ စီးရီးအေ သတင်းတွေကို ဖော်ပြပေးသွားမှာ ဖြစ်ပါတယ်။
ပီအက်စ်ဂျီ ကွင်းလယ်လူ ပါရီဒက်စ်ကို ခေါ်ယူလိုက်တဲ့ ရိုးမား
စီးရီးအေ ကလပ် ရိုးမားဟာ ပီအက်စ်ဂျီမှာ အနာဂတ် ပျောက်ဆုံးနေတဲ့ ကွင်းလယ်လူ လီအန်ဒရို ပါရီဒက်စ်ကို ခေါ်ယူလိုက်ပြီ ဖြစ်ကြောင်း သိရပါတယ်။ ရိုးမားဟာ အဆိုပါ အာဂျင်တီးနား ကွင်းလယ် ကစားသမား အတွက် ပြောင်းရွှေ့ကြေး ယူရို (၄) သန်း ပေးချေခဲ့ရပါတယ်။
ပါရီဒက်စ်ဟာ ဂျူဗင်တပ်စ်မှာ အငှားနဲ့ လာရောက်ကစားရင်း စီးရီးအေ အတွေ့အကြုံရှိထားတဲ့ ကစားသမား ဖြစ်ပြီး ရိုးမားနဲ့ ပီအက်စ်ဂျီ နှစ်သင်းကြားမှာလည်း အလုံးစုံ သဘောတူညီမှု ရရှိခဲ့ပါပြီ။ ရိုးမားဟာ ပါရီဒက်စ်ကို (၂၀၂၅) ခုနှစ်၊ ဇွန်လ အထိ သက်တမ်းရှိတဲ့ စာချုပ်တစ်ရပ်ကို ချုပ်ဆိုသွားမှာ ဖြစ်ပြီး နောက်ထပ်တစ်နှစ် အလိုအလျောက် သက်တမ်းတိုးခွင့်လည်း ရှိပါတယ်။
အာနူတိုဗစ်ကို ခေါ်ယူလိုက်ပြီ ဖြစ်တဲ့ အင်တာမီလန်
လက်ရှိနွေရာသီ အပြောင်းအရွှေ့မှာ တိုက်စစ်မှူးသစ် ရှာဖွေနေတဲ့ စီးရီးအေ ကလပ် အင်တာမီလန်ဟာ ဘိုလော့ဂ်နာက မာကို အာနူတိုဗစ်ကို ခေါ်ယူနိုင်ခဲ့ပြီ ဖြစ်ကြောင်း သိရပါတယ်။ အဆိုပါ ဩစတြီးယား တိုက်စစ်မှူးကြီးဟာ ပရီးမီးယားလိဂ် အတွေ့အကြုံရှိ ကစားသမား တစ်ယောက်လည်း ဖြစ်ပြီး ပြီးခဲ့တဲ့နွေကတည်းက ဘိုလော့ဂ်နာ ကနေ ထွက်ခွာဖို့ သတင်းထွက်ခဲ့သူပါ။
သူ့ကို ခေါ်ယူဖို့ မန်ချက်စတာယူနိုက်တက်က စိတ်ဝင်စားခဲ့ဖူးပြီး အဲ့ဒီအချိန်က ဘိုလော့ဂ်နာနဲ့ ယူနိုက်တက် အကြား ပြောင်းရွှေ့ကြေးညှိမရခဲ့တာကြောင့် အာနူတိုဗစ် တစ်ယောက် စီးရီးအေမှာ ဆက်ရှိနေတာပါ။
အခုချိန်မှာတော့ အင်တာမီလန်က အာနူတိုဗစ်ကို ပြောင်းရွှေ့ကြေး ယူရို (၁၀) သန်းနဲ့ ခေါ်ယူနိုင်ခဲ့ပြီး အပိုဆုကြေးတွေလည်း ပါဝင်ဦးမယ်လို့ သိရှိရပါတယ်။ အာနူတိုဗစ်ဟာ အင်တာမီလန် ကစားသမားဟောင်း တစ်ယောက် ဖြစ်ပြီး ပြီးခဲ့တဲ့ ရက်ပိုင်းကတည်းက အသင်းနဲ့ ပုဂ္ဂိုလ်ရေး သဘောတူညီမှုရရှိခဲ့ပြီး ဖြစ်ပါတယ်။
ဆဲလ်တာဗီဂို ကြယ်ပွင့် အတွက် ယူရိုသန်း (၄၀) အနည်းဆုံးပေးဖို့ နာပိုလီ ပြင်ဆင်
နာပိုလီဟာ ဆဲလ်တာဗီဂိုရဲ့ ကွင်းလယ် ကြယ်ပွင့် ကစားသမား ဂါဘရီ ဗိုင်ဂါ အတွက် ပြောင်းရွှေ့ကြေး ယူရိုသန်း (၄၀) အနည်းဆုံး ပေးချေသွားဖို့ ပြင်ဆင်နေကြောင်း သိရှိရပါတယ်။
စီးရီးအေရဲ့ လက်ရှိ ချန်ပီယံဟာ ဗိုင်ဂါကို ခေါ်ယူနိုင်ဖို့ အပူတပြင်း ကြိုးစားနေပြီး ဆဲလ်တာဗီဂိုနဲ့ ကနဦးအဆင့် ဆွေးနွေးမှုတွေ ကလည်း အဆင်ပြေခဲ့ပါတယ်။ ဗိုင်ဂါ အတွက် နာပိုလီတို့ စုစုပေါင်း ပြောင်းရွှေ့ကြေး ယူရို (၄၂) သန်း ပေးချေသွားဖို့ ပြင်ဆင်ထားပြီး ဒီအထဲမှာ အပိုဆုကြေး ယူရို (၅) သန်းလည်း ပါဝင်ပြီး ဖြစ်ပါတယ်။
ဆဲလ်တာဗီဂို ဘက်ကတော့ အခု ပြောင်းရွှေ့ကြေး အပြင် နာပိုလီတို့ ဗိုင်ဂါကို ပြန်လည် ရောင်းချဖြစ်ခဲ့ရင် ပြောင်းရွှေ့ကြေးရဲ့ (၁၀) ရာခိုင်နှုန်းကိုပါ ထပ်မံရရှိဖို့ ညှိနှိုင်းနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
