ပွဲကြိုသုံးသပ်ချက် | ဆာဆွယ်လို – အေစီမီလန် (စီးရီးအေ)

ဆာဆွယ်လို – အေစီမီလန်

အခုတစ်ပတ် ကြားရက် မှာလည်း စီးရီးအေ ပွဲစဉ် (၄) ရဲ့ ပွဲကောင်းတွေ ဆက်လက် ယှဉ်ပြိုင် ကစားဖို့ ရှိပြီး အေစီမီလန် ကတော့ ဆာဆွယ်လိုကို MAPEI ကွင်းမှာ သွားရောက် ရင်ဆိုင်ရမှာ ဖြစ်ပါတယ်။ အခုနှစ် စီးရီးအေ မှာ ရှုံးပွဲ လုံးဝ မရှိသေးတဲ့ အေစီမီလန်တို့ ဆာဆွယ်လို အိမ်ကွင်းမှာ ကစားတိုင်း ရလဒ်ကောင်းတတ်တဲ့ အစဉ်အလာ တစ်ခုကို ဆက်ထိန်းသွားနိုင်မလား ဆိုတာ စောင့်ကြည့်ရမှာ ဖြစ်ပါတယ်။

ဆာဆွယ်လို ကတော့ စီးရီးအေ ပွဲစဉ် ၃ ပွဲ ကစားပြီးချိန်မှာ ၄ မှတ်သာ ရရှိထားပြီး အဆင့် ၁၂ နေရာမှာ ရပ်တည်နေပါတယ်။ အဖွင့်ပွဲစဉ်မှာ ဂျူဗင်တပ်စ်ကို ၃ ဂိုးပြတ် ရှုံးနိမ့်ခဲ့တဲ့ ဆာဆွယ်လိုတို့ ပွဲစဉ် (၂)မှာ တန်းတက် လက်ချီကို အနိုင်ရခဲ့ပြီး နောက်ဆုံးပွဲ မှာတော့ စပီဇီယာနဲ့ ၂ ဂိုးစီ သရေကျထားခဲ့တာ ဖြစ်ပါတယ်။ ဆာဆွယ်လိုတို့ နွေရာသီ အပြောင်းအရွှေ့မှာ ဆကမ်မေကာ၊ ရက်စပါဒိုရီ တို့လို အားထားရတဲ့ ကစားသမားတွေကို ရောင်းထုတ်ခဲ့ပြီးနောက် လောက်လောက်လားလား အင်အား ဖြည့်တင်းမှုတွေ ပြုလုပ်နိုင်ခြင်း မရှိတာကြောင့် ခြေစွမ်းပိုင်း ကလည်း အားရစရာ လုံးဝ မရှိပါဘူး။ ဂိုးပြတ် အရှုံးနဲ့ ရာသီသစ် စတင်ခဲ့ရတဲ့ အပြင် လက်ချီလို တန်းတက်ကို သရေ၊ စပီဇီယာလို အောက်သင်းမျိုးကို နောက်ကလိုက် ကစားပြီး သရေတစ်မှတ်သာ ရခဲ့တာကို ကြည့်ခြင်း အားဖြင့် ဆာဆွယ်လို တို့ ပုံမှန် ခြေစွမ်းအောက် ရောက်နေတာ သိသာပါတယ်။

တိုက်စစ်ပိုင်းက ၁ ပွဲ ၁ ဂိုးနှုန်း သွင်းထားနိုင်လို့ မဆိုးဘူး ဆိုပေမယ့် ၃ ပွဲမှာ ၅ ဂိုးပေးထားရတဲ့ ခံစစ် ကတော့ စိတ်ချရတဲ့ အခြေအနေ မဟုတ်ပါဘူး။ မီရတ် မူလ်ဒါနဲ့ ထရာအိုရေး တို့ ဒဏ်ရာ ပြသနာကြောင့် အခုပွဲကို ကျိန်းသေပေါက် လွဲချော်ဖို့ ရှိပြီး ဘရက်ဒီ၊ ပီနာမွန်တီ၊ ကီရီယာကိုပူးလော့စ်၊ လိုပက်ဇ်၊ ဖရာရီ၊ ကွန်ဆစ်ဂ်လီ တို့လို အဓိက ကစားသမားတွေ ကတော့ ပွဲထွက်လာနိုင်ဖို့ ရှိနေပါတယ်။

အေစီမီလန် ကတော့ စီးရီးအေ ရာသီ အစ ၃ ပွဲစလုံး ရှုံးပွဲ မရှိထားသလို ၂ ပွဲနိုင်၊ ၁ ပွဲသရေ၊ ရမှတ် ၇ မှတ်နဲ့ အမှတ်ပေးဇယား အဆင့် ၂ နေရာမှာ ရပ်တည်နေပါတယ်။ စီးရီးအေ ပွဲစဉ် (၃) အပြီးမှာ နာပိုလီ၊ လာဇီယို၊ အတ္တလန္တာ၊ တိုရီနို၊ ရိုးမား တို့ ၇ မှတ်စီ ရရှိထားပြီး အေစီမီလန် ကတော့ ဂိုးကွာခြားချက်ကြောင့် အဆင့် ၂ နေရာမှာ ရှိနေတာ ဖြစ်ပါတယ်။

အူးဒီးနီးစ်ကို အဖွင့်ပွဲမှာ ဂိုးပြတ် အနိုင်ရခဲ့သလို အတ္တလန္တာကို သရေ၊ ဘိုလော့ဂ်နာကို ၂ ဂိုးပြတ် အနိုင်ရထားတဲ့ အေစီမီလန်ရဲ့ ခြေစွမ်းက မနှစ်ကလောက် မကောင်းသေးပေမယ့် မဆိုးဘူးလို့တော့ ပြောလို့ ရပါတယ်။ အီဗရာဟီမိုဗစ် မကစားနိုင်သေးပေမယ့် တိုက်စစ်က ရီဘစ် အနေနဲ့ ၂ ပွဲ ကစား၊ ၂ ဂိုး သွင်းထားသလို ရာဖေး လီယောင်၊ ဘရာဟင် ဒီးရာ့ဇ်၊ ဂျရူး၊ ဘန်နက်ဆာနဲ့ ကစားသမားသစ် ကတ်တယ်လာရီတို့ အာလုံး ခြေစွမ်းပြနေတာကြောင့် အေစီမီလန်တို့ ဂိုးရဖို့ မခက်ခဲတာ တွေ့ရပါတယ်။ ဒါပေမယ့် ၃ ပွဲမှာ ၃ ဂိုးပေးထားရတဲ့ ခံစစ်ပိုင်း ကတော့ အနည်းငယ် အားနည်းနေတယ်လို့ ပြောလို့ ရပါတယ်။ အခု ပွဲကိုတော့ အီဗရာဟီမိုဗစ် အပြင် ခရူးနစ်လည်း ဒဏ်ရာကြောင့် လွဲချော်ဖို့ ရှိနေပေမယ့် စတက်ဖနို ပီအိုလီရဲ့ အသင်းကို အတောင့်တင်းဆုံး လူစာရင်းနဲ့ မြင်တွေ့ရဦးမှာပါ။

ဖြစ်နိုင်ဖွယ် လူစာရင်း

ဆာဆွယ်လို – ကွန်ဆစ်ဂ်လီ၊ တိုလ်ဂျန်၊ အာလစ်၊ ဖရာရီ၊ ရိုဂျီရီယို၊ လိုပက်ဇ်၊ ဟင်းနရစ်ခ်၊ ဖရတ်တက်ဆီ၊ ဘာရက်ဒီ၊ ကီရီယာကိုပူးလော့စ်၊ ပီနာမွန်တီ
အေစီမီလန် – မိုက်ဂ်နန်၊ ဖလော်ရန်ဇီ၊ ဟာနန်ဒက်ဇ်၊ တွန်မိုရီ၊ ကာလူလူ၊ တိုနာလီ၊ ဘန်နက်ဆာ၊ ဆယ်လီမေကာစ်၊ လီယောင်၊ ဂျရူး

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ပြိုင်ပွဲစုံ နောက်ဆုံး တွေ့ဆုံမှု အကြိမ် ၂၀ မှာ ဆာဆွယ်လိုက ၆ ကြိမ်၊ အေစီမီလန်က ၁၂ ကြိမ် အနိုင်ရပြီး၊ ၂ ကြိမ် ကတော့ သရေ ရလဒ် ထွက်ပေါ်ထားခဲ့ပါတယ်။ ထူးခြားချက်က ဆာဆွယ်လို ကွင်းမှာ နောက်ပိုင်း တွေ့ဆုံချိန်တိုင်းလိုလို အေစီမီလန်တို့ အသာရခဲ့ပြီး ၆ ကြိမ် ဆက်တိုက် အနိုင်ရထားခဲ့ပါတယ်။ ဆန်စီရိုကွင်း မှာ ကစားခဲ့တဲ့ နောက်ဆုံး ၃ ကြိမ် မှာတော့ ဆာဆွယ်လိုက ၂ ပွဲနိုင်ပြီး ၁ ပွဲ သရေ ရရှိအောင် စွမ်းဆောင်ထားနိုင်တာ တွေ့ရပါတယ်။

လောင်းကစားဆိုင်ရာ အကြံပြုချက်များ

SBOTOP 1X2 မှာ ဆာဆွယ်လို အနိုင် အတွက် ၅.၆၀ ဆ၊ အေစီမီလန် အနိုင် အတွက် ဆိုရင် ၁.၆၀ ဆ၊ သရေ အတွက် ကတော့ ၃.၇၅ ဆ ကြေးဖွင့်လှစ်ပေးထားတာ တွေ့ရပါတယ်။ ဆာဆွယ်လို ကွင်းမှာ နောက်ပိုင်း တွေ့ဆုံမှု တော်တော်များများ အေစီမီလန်တို့ အသာရခဲ့သလို လက်ရှိ ခြေစွမ်းပိုင်းအရလည်း အေစီမီလန်တို့ အသာရနေတယ် ဆိုတာ ငြင်းလို့ မရပါဘူး။ ကစားသမားသစ်တွေနဲ့ အခြေမကျသေးတဲ့ ဆာဆွယ်လို တို့ အိမ်ကွင်းမှာ ရုန်းကန်ရဦးမှာ သေချာပါတယ်။ အပြန်အလှန် သွင်းဂိုး တချို့ ရှိနိုင်ပြီး အေစီမီလန်တို့ ၁ ဂိုး အသာလောက်နဲ့ပဲ ကပ်နိုင်သွားမယ် ထင်ပါတယ်။

ခန့်မှန်းရလဒ်

ဆာဆွယ်လို ၁-၂ အေစီမီလန်

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.