ဒီလိုမျိုး ခေါင်းစဉ်ပေးရတာက နည်းနည်းတော့ အားနာဖို့ ကောင်းပါတယ်။ ဒါပေမယ့် ဂျူဗင်တပ်စ်၊ စီးရီးအေ ဆိုတာနဲ့ လုပ်ပွဲ ဆိုတဲ့ ခေါင်းစဉ်၊ အရိပ်မည်းကြီးက နောက်က လိုက်နေတော့လည်း မတတ်နိုင်ပါဘူး။
စီးရီးအေဟာ အမြဲတမ်းလိုလို လုပ်ပွဲ ပြဿနာတွေနဲ့ လုံးလည်လိုက်နေတဲ့ လိဂ် ဖြစ်တယ် ဆိုတာ အားလုံးလည်း သိကြမှာပါ။ ဒါကြောင့်လည်း လိဂ် အဆင့်အတန်းက သိသိသာသာ ထိုးကျသွားခဲ့ပြီး အောင်မြင်မှုတွေနဲ့လည်း ဝေးကွာနေရတာ စိတ်မကောင်းစရာပါ။
ပြီးခဲ့တဲ့ စနေနေ့ညက ဆာဆူအိုလိုနဲ့ ကစားခဲ့တဲ့ပွဲရဲ့ နောက်ဆုံး မိနစ်မှာ မြင်တွေ့ခဲ့ရတဲ့ Own Goal ကတော့ ရုပ်ပျက်ဆင်းပျက်နိုင်လှပါတယ်။ ဒီအချိန်မှာ ဂျူဗင်တပ်စ်က ၃-၂ ဂိုးနဲ့ ရှုံးနေချိန်၊ ချေပဂိုး ပြန်ရဖို့ အသည်းအသန် ကြိုးစားနေတဲ့ နောက်ဆုံး မိနစ် အပိုင်းအခြားတွေမှာပါ။
ဆက်ဇီနီက နောက်ခံလူ ဂတ်တီဆီ ဘောလုံးပေးလိုက်တယ်။ ဒါကို ဂတ်တီက ဘောလုံးကို ချက်ချင်းပဲ နောက်ပြန်ကန်ပြီး ဘောလုံးက ဂိုးထဲဝင်သွားပါတယ်။ ဆဇက်စနီက ဂတ်တီဆီ ဘောလုံးပေးလိုက်ကတည်းက ဂိုးပေါက်မှာ မရှိပါဘူး။ ဂိုးသမားက ဂိုးပေါက်ရဲ့ ဘယ်ဘက်မှာ၊ Own Goal သွင်းတဲ့ ဂတ်တီက ဂိုးပေါက်ရဲ့ ညာဘက်မှာပါ။
ဒီလို အနေအထားမျိုးမှာ ဂတ်တီဆီ ဆဇက်စနီက ဘောလုံးပေးခဲ့ပြီး ဂတ်တီ ကလည်း ပြိုင်ဘက် ကစားသမားတွေ ရှိနေတဲ့ အနေအထားမျိုးမှာ ရုတ်ချည်းဆိုသလို ဂိုးပေါက်ဆီ ပြန်ကန်လိုက်ရာမှာ Own Goal ဖြစ်သွားခဲ့တာပါပဲ။ ဒီဂိုးကို မြင်လိုက်ရတဲ့ စီးရီးအေ ပရိသတ်တွေ ဆိုရင် ကြောင်တောင် ကြောင်သွားပါတယ်။
ဒီကောင်တွေ ဘာလုပ်တာလဲ၊ ဒိုင်က ခရာမှုတ်ထားလို့ပဲ ဒါမျိုး လုပ်လိုက်သလား ဆိုပြီးတော့ပေါ့။ ဒါပေမယ့် တစ်ခုမှ မဟုတ်ခဲ့ပါဘူး။ တကယ့် Own Goal ဖြစ်သွားခဲ့ပြီး ဂျူဗင်တပ်စ်က ပွဲပြီးတော့ ၄-၂ ဂိုးနဲ့ ရှုံးသွားခဲ့ပါတယ်။ ပရိသတ်တွေ ကတော့ ဒီ Own Goal က သံသယ ဖြစ်စရာ ကောင်းလွန်းတယ်လို့ ဝေဖန်နေပါတယ်။
ကြားလူ အနေနဲ့ ကြည့်ရင်လည်း ဒါမျိုးက မဖြစ်သင့်တဲ့ အနေအထားမျိုးပါ။ ဒါပေမယ့် ဖြစ်သွားတာ ကလည်း ဂျူဗင်တပ်စ်ပွဲ၊ စီးရီးအေပွဲ ဖြစ်နေတော့ “ဒါလုပ်ပွဲပဲ” ဆိုတဲ့ စွပ်စွဲမှုတွေ ထွက်ပေါ်လာပါတယ်။ ဒါ့အပြင် ဒီပွဲမှာ ဂျူဗင်တပ်စ်တို့ ပထမဆုံး ရရှိခဲ့တဲ့ သွင်းဂိုး ကလည်း ပြိုင်ဘက်ရဲ့ Own Goal ပါ။
ဒီတော့ ဒီလိုမျိုးတွေ စွပ်စွဲခံရတာ အထူးအဆန်းတော့ မဟုတ်ပါဘူး။ အီတလီ မှာကလည်း စီခနဲဟေ့ ဆိုရင် ဂျူဗင်တပ်စ် ပါပဲ။ လွန်ခဲ့တဲ့ နှစ်တွေတုန်းကလည်း လုပ်ပွဲ ပြဿနာနဲ့ ထိပ်ဆုံး ကနေ ကိုင်တွယ်ခံရတာ ဂျူဗင်တပ်စ်ပါ။ ပြီးခဲ့တဲ့ နှစ်ကလည်း စာရွက်စာတမ်း မသမာမှုနဲ့ အမှတ်လျှော့ခံရလိုက်၊ ပြန်ဖြည့်ပေးလိုက်၊ ပြန်လျှော့ခံရလိုက် ဖြစ်နေတာလည်း ဂျူဗင်တပ်စ် ပါပဲ။
ဒီတော့ အခုလိုမျိုး ရုပ်ပျက်ဆင်းပျက် Own Goal ကို မြင်ရချိန် မှာတော့ ဂျူဗင်တပ်စ် အပေါ် သံသယတွေ ပွားကြတာ သိပ်တော့ မဆန်းပါဘူး။ ဒါပေမယ့်လည်း ဒါတွေက ထင်ကြေးသာ ဖြစ်ပြီး ဘောလုံးပွဲတွေ ဆိုတာက အခုလိုမျိုး Weird ဖြစ်တဲ့ အရာမျိုးတွေကို မြင်ရလေ့ ရှိတဲ့ အားကစား တစ်ရပ်လည်း ဖြစ်တာကြောင့်တော့ သိပ်ပြီး မထူးဆန်းလှပါဘူး။
ဒါပေမယ့်လည်း ဂျူဗင်တပ်စ်လို အီတလီမှာရော၊ ဥရောပမှာပါ သမိုင်းကြောင်း အစဉ်အလာကြီးတဲ့ အသင်း တစ်သင်းကို လုပ်ပွဲတွေ၊ အကျင့်ပျက် ခြစားမှုတွေနဲ့ ခပ်ကင်းကင်းပဲ မြင်ချင်မိပါတော့တယ်။ တူရင် ကလပ် အနေနဲ့လည်း အစဉ်အလာကောင်းတွေကို ဆက်ထိန်းချင်တယ် ဆိုရင် အခုလို မရှုပ်မရှင်း ပြသနာတွေ ကနေ အမြန်ဆုံး ရုန်းထွက်ဖို့ ပြင်ဆင်သင့်နေပြီလို့ပဲ ထင်မြင်မိပါတယ်။ မဟုတ်ရင်တော့ ရေရှည် အတွက်…
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
