အင်တာ အတွက် အာရုံစိုက်ထားတဲ့ ဒမ်းဖရီးစ်၊ စာချုပ်သစ် အတွက် အဆမတန် တောင်းဆိုခြင်း မရှိဘူး ဆိုတဲ့ လီယောင် (စီးရီးအေ နောက်ဆုံးရ သတင်းများ)

အင်တာ အတွက်ပဲ အာရုံစိုက်ထားတယ်လို့ ဆိုလာတဲ့ ဒမ်းဖရီးစ်ရဲ့ အေးဂျင့်၊ စာချုပ်သစ် အတွက် အဆမတန် တောင်းဆိုခြင်း မရှိဘူးဆိုတဲ့ လီယောင် စတဲ့ သတင်းတွေ အပါအဝင် ဇန်နဝါရီ ၁၁ ရက်နေ့ အတွက် ရရှိထားသမျှ နောက်ဆုံးရ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

အင်တာ အတွက် ဒမ်းဖရီးစ် အာရုံစိုက်ထားတယ်လို့ အေးဂျင့် ပြော

အပြောင်းအရွှေ့ သတင်းတွေ ထွက်ပေါ်နေပေမယ့် သူ့ရဲ့ ကစားသမား ဒန်ဇဲလ် ဒမ်းဖရီးစ် ဟာ အင်တာမီလန် အတွက် အပြည့်အဝ ပေးဆပ် ကစားနေဆဲ ဖြစ်တယ်လို့ အေးဂျင့် ရာဖယ်လာ ပီမန်တာက ပြောပါတယ်။

ဒမ်းဖရီးစ်ဟာ ပြီးခဲ့တဲ့ နွေရာသီတည်းက စီးရီးအေ ကလပ် ကနေ ထွက်ခွာဖို့ သတင်းပြေးခဲ့ပြီး လက်ရှိ အချိန်ထိလည်း သူ့ရဲ့ အနာဂတ်က တည်ငြိမ်မှု မရှိသေးပါဘူး။

ဒါပေမယ့် ပီမန်တာက ဒမ်းဖရီးစ်ရဲ့ လက်ရှိ စွမ်းဆောင်ရည်တွေ အတွက် သူတို့ရော၊ အင်တာမီလန် အသင်း ကရော ပျော်ရွှင်နေကြောင်း၊ လက်ရှိအချိန်မှာ အင်တာမီလန် အတွက်ပဲ အပြည့်အဝ အာရုံစိုက်ထားပြီး အနာဂတ်မှာ ဘာတွေ ဖြစ်မလဲ စောင့်ကြည့်ရမှာ ဖြစ်ကြောင်း ပြောကြားခဲ့ပါတယ်။

အသင်းရဲ့ ကြယ်ပွင့်ကို လစ်ဗာပူးလ်က စိတ်ဝင်စားနေကြောင်း အတ္တလန္တာ အတည်ပြု

စီးရီးအေ ကလပ် အတ္တလန္တာရဲ့ ဒါရိုက်တာ တိုနီအေမီကိုက လစ်ဗာပူးလ်ဟာ အသင်းရဲ့ ကြယ်ပွင့် တူအန် ကူပ်မိုင်နာစ်ကို စိတ်ဝင်စားနေကြောင်း အတည်ပြု ထုတ်ဖော် ပြောကြားခဲ့ပါတယ်။

ဒါပေမယ့်လည်း နယ်သာလန် ကစားသမား အတွက် လစ်ဗာပူးလ် ဘက်က အခုချိန်ထိ တစ်စုံတစ်ရာ ကမ်းလှမ်းမှု ပြုလုပ်ထားခြင်းတော့ မရှိသေးပါဘူး။ လစ်ဗာပူးလ်ဟာ အသင်းရဲ့ ကွင်းလယ်ပိုင်းကို ရေရှည် အတွက် အင်အား ဖြည့်တင်းလိုနေတဲ့ အသင်း ဖြစ်ပြီး လိဂ် အသီးသီးက လူငယ် ကြယ်ပွင့်တွေကို အဓိကထား စောင့်ကြည့်နေခဲ့တာ ဖြစ်ပါတယ်။

အေမီကိုက ကူပ်မိုင်နာစ် အတွက် ကမ်းလှမ်းမှု လုံးဝ မရှိကြောင်း၊ ဒါပေမယ့် ကစားသမားကို လစ်ဗာပူး ဘက်က စိတ်ဝင်စားနေကြောင်း၊ ဒါပေမယ့် ကူပ်မိုင်နာစ် အတ္တလန္တာ ကစားသမား ဖြစ်နေဆဲ ဖြစ်ပြီး ရှေ့ဆက်လည်း အသင်းမှာ ရှိသွားမှာ ဖြစ်တယ်လို့ ပြောကြားသွားခဲ့ပါတယ်။

ပရီးမီးယား လိဂ်