ဒီတစ်ခါ မှာတော့ ဩဂုတ်လ ၁၆ ရက်နေ့ အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာယူနိုက်တက်ကို ပြောင်းရွှေ့ချင်ကြောင်း သဲလွန်စပေးလိုက်တဲ့ ပါဗက်
မန်ချက်စတာယူနိုက်တက် ပစ်မှတ် ဘင်ဂျမင် ပါဗက်ဟာ ဝုဗ်နဲ့ ပွဲစဉ်မှာ အနိုင်ဂိုး သွင်းယူနိုင်ခဲ့တဲ့ ရာဖေးလ် ဗာရန်းရဲ့ အင်စတာဂရမ် ပို့စ်မှာ မှတ်ချက်ပေးပြီး ပရီးမီးယားလိဂ် ကလပ်ဆီ ပြောင်းရွှေ့ချင်ကြောင်း သဲလွန်စပေးခဲ့ပါတယ်။
ရီးရဲလ်မက်ဒရစ် နောက်ခံလူဟောင်းဟာ ဝုဗ်ကို ၁-၀ နဲ့ အနိုင်ရခဲ့တဲ့ တနင်္လာနေ့ည ပွဲစဉ် အတွင်းမှာ မန်ချက်စတာယူနိုက်တက် အတွက် ၇၇ မိနစ်မှာ ခေါင်းတိုက် သွင်းဂိုးကို သွင်းယူပေးခဲ့တာ ဖြစ်ပြီး အဲဒီသွင်းဂိုးကြောင့် တန်ဟက်ဂ်ရဲ့ အသင်းဟာ ရာသီအဖွင့်ကို အနိုင်နဲ့ စတင်နိုင်ခဲ့တာ ဖြစ်ပါတယ်။
ဗာရန်းက ပွဲအပြီးမှာ ဂိုးသွင်းယူနိုင်ခဲ့ပြီးနောက် ပျော်ရွှင်စွာနဲ့ ကြုံးဝါးနေတဲ့ အောင်ပွဲခံဟန်ကို ရိုက်ကူးထားတဲ့ ဓာတ်ပုံကို အင်စတာဂရမ်ပေါ်မှာ တင်ခဲ့တာဖြစ်ပါတယ်။ ပါဗက်က လျင်လျင်မြန်မြန်ပဲ အဲဒီပို့စ်ကို မီးတောက်အီမိုဂျီ ၂ ခုနဲ့အတူ တုံ့ပြန်ခဲ့တာဖြစ်ပါတယ်။
ပေါင်သန်း ၁၁၀ အထိ ရှိလာစေမယ့် ပစ်မှတ်ကို ခေါ်ယူနိုင်တော့မယ့် ဗီလာ
အက်စတွန်ဗီလာဟာ အပြောင်းအရွှေ့ အထူးကျွမ်းကျင်သူ ဖက်ဘရီဇီယို ရိုမာနိုရဲ့ ‘Here we go’ အတည်ပြုချက်ကို ပေးခဲ့ပြီ ဖြစ်တာကြောင့် ဂါလာတာဆာရေး ကနေ နီကိုလို ဇန်နီအိုလိုကို ခေါ်ယူနိုင်တော့မယ်လို့ သိရပါတယ်။
ဇန်နီအိုလိုဟာ ဇန်နဝါရီ အပြောင်းအရွှေ့ကာလတုန်းက စပါးနဲ့ ဘုန်းမောက် တို့ရဲ့ ပစ်မှတ် ဖြစ်ခဲ့ပြီး ဘုန်းမောက်က သဘောတူညီမှု ရရှိခဲ့ပေမယ့်လည်း အီတလီ ကွင်းလယ် ကြယ်ပွင့်က ငြင်းပယ်ပြီး ရိုးမား ကနေ ဂါလာတာဆာရေးကို ပြောင်းရွှေ့သွားခဲ့တာ ဖြစ်ပါတယ်။ ဒါပေမယ့်လည်း ဇန်နီအိုလိုဟာ ပြီးခဲ့တဲ့လတွေမှာ ပရီးမီးယားလိဂ်ကို ပြောင်းရွှေ့လာဖို့ သတင်းတွေ ထွက်ပေါ်နေခဲ့သူ ဖြစ်ပါတယ်။ ဒါ့အပြင် နယူးကာဆယ်က ခေါ်ယူဖို့ ပစ်မှတ်ထားခဲ့ပေမယ့် အက်စတွန် ဗီလာက အက်ဒီ ဟောင်းရဲ့ ပစ်မှတ်ကို အပြီးသတ် ခေါ်ယူနိုင်ဖို့ အနီးစပ်ဆုံး အနေအထားမှာ ရှိနေပြီ ဖြစ်ပါတယ်။
တနင်္လာနေ့မှာ တူရကီက သတင်းတွေအရ အက်စတန် ဗီလာဟာ ဇာနီအိုလိုကို ခေါ်ယူဖို့ ပြောဆို ဆွေးနွေးမှုတွေ အရှိန်မြှင့်လာတယ်လို့ ဖော်ပြခဲ့တာ ဖြစ်ပါတယ်။ ရလဒ် အနေနဲ့ လက်ရှိ မှာတော့ ထပ်ဆောင်း ပေးချေမှု ပါဝင်တဲ့ ယူရို ၂၇ သန်းနဲ့ အပြီးသတ် ဝယ်ယူခွင့်ထည့်သွင်းထားတဲ့ အငှားနဲ့ ခေါ်ယူဖို့ သဘောတူညီမှု ရရှိခဲ့ပြီ ဖြစ်ပါတယ်။
ပီအက်စ်ဂျီ ကနေ ထွက်ပြီးမှ မက်ဆီ အများကြီး ပျော်ရွှင်လာတယ် ဆိုတဲ့ မာတီနို
တာတာ မာတီနိုက လီယွန်နယ် မက်ဆီဟာ ယခုနွေရာသီမှာ ပီအက်စ်ဂျီကို စွန့်ခွာပြီး အင်တာမိုင်ယာမီကို ပြောင်းရွှေ့ခဲ့ပြီးနောက် အရင်ကထက် အများကြီး ပိုမိုပျော်ရွှင်နေတယ်လို့ ပြောကြားခဲ့ပါတယ်။ မာတီနိုဟာ လီယွန်နယ် မက်ဆီကို အာဂျင်တီးနားလက်ရွေးစင်နဲ့ ဘာစီလိုနာတို့မှာ နည်းပြပေးခဲ့ဖူးသူဖြစ်ပြီး ကမ္ဘာ့ဖလားအောင်ပွဲရရှိပြီးနောက်ပိုင်း အင်တာ မိုင်ယာမီကို ပြောင်းရွှေ့ခဲ့ပြီးကတည်းက အာဂျင်တီးနားကြယ်ပွင့်ရဲ့ ပုံစံက သိသိသာသာပြောင်းလဲလာတာကို သတိပြုမိခဲ့တာဖြစ်ပါတယ်။
မာတီနိုက လီယွန်နယ် မက်ဆီရဲ့ အလွန်ကောင်းမွန်တဲ့ စွမ်းဆောင်ရည်နောက်ကွယ်မှာ စိတ်အေးလက်အေး ရှိနေမှုက အဓိကအချက်ဖြစ်တယ်လို့ ယုံကြည်နေပြီး မေဂျာလိဂ်မှာ ကစားရတာကိုလည်း ပီအက်စ်ဂျီမှာ ကစားရတုန်းကထက် ပိုမိုပျော်ရွှင်နေတာကြောင့်ဖြစ်တယ်လို့ ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
