ဘရာဇီးလ် တိုက်စစ်မှူး မားသီးယက်စ် ကူညာ ကိုတော့ ပြီးခဲ့တဲ့ ဇန်နဝါရီ အပြောင်းအရွှေ့ ဈေးကွက်မှာ ပရီးမီးယားလိဂ် ကလပ်တွေက အပြိုင်အဆိုင် ကမ်းလှမ်းခဲ့ကြပါတယ်။ ဒါပေမယ့်လည်း ကူညာ ကတော့ ဝုဗ်တို့ တန်းမဆင်းရရေး ကူညီဖို့ တာဝန်ရှိခဲ့တယ်လို့ ခံစားခဲ့ရတာကြောင့် အသင်းမှာ ဆက်နေခဲ့တာ ဖြစ်ကြောင်း ဖွင့်ဟလာခဲ့ပါတယ်။
ဒီအခြေအနေနဲ့ ပတ်သတ်လို့ မားသီးယက်စ် ကူညာက The Guardian နဲ့ အင်တာဗျူးမှာ “ကျွန်တော့်ကို ကမ်းလှမ်းမှုတွေ အများကြီး ရှိခဲ့ပေမယ့် အဲဒါတွေကို လက်ခံလိုက်ရင် ကျွန်တော် နေလို့ ကောင်းမှာ မဟုတ်ပါဘူး။ တစ်ချို့အရာတွေက ထိန်းချုပ်ဖို့ မဖြစ်နိုင်ပေမယ့် ရာသီ အလယ်လောက် ခက်ခဲတဲ့ အခြေအနေမှာ၊ တန်းဆင်းဇုန် အတွင်း ရောက်နေတဲ့ ကလပ်ကို ကျွန်တော် မထားခဲ့နိုင်ပါဘူး။” လို့ ပြောကြားခဲ့ပါတယ်။
ဆက်လက်ပြီး “တခါတရံမှာ ဘဝမှာ လိုချင်တဲ့ အရာက ချစ်ခင်မှုပဲ။ ကျွန်တော် တို့က လူသားတွေပါ။ နားလည်မှု လိုအပ်တယ်၊ ကျွန်တော် တို့မှာ အခက်အခဲတွေ ရှိတယ်။ ဝုဗ်က ကျွန်တော့်ကို ပျော်ရွှင်မှုကို ပြန်ပေးခဲ့တယ်။ ပရိသတ်တွေ ကလည်း ကျွန်တော့်ကို ပျော်ရွှင်မှု အများကြီး ပေးခဲ့ပါတယ်။ ဒီနေ့ ကျွန်တော် ရထားတဲ့ အခြေအနေ၊ ကျွန်တော့်ရဲ့ ဖြစ်တည်မှုနဲ့ ပျော်ရွှင်မှုတွေကြောင့်ပဲ ဝုဗ်ကို တကယ်ပဲ ကျေးဇူးတင်တယ်။” လို့ ကူညာက ပြောကြားခဲ့ပါတယ်။
ဘရာဇီးလ် တိုက်စစ်မှုးဟာ ဒီရာသီမှာ ကောင်းမွန်တဲ့ ပုံစံနဲ့ ခြေစွမ်းပြနေပြီးတော့ ပရီးမီးယားလိဂ် မှာလည်း သွင်းဂိုး ၁၃ ဂိုး အထိ သွင်းယူထားနိုင်ခဲ့ပါတယ်။ ကူညာရဲ့ အသင်းက လက်ရှိမှာ ပရီးမီးယားလိဂ် ကလပ် အမှတ်ပေးဇယား အဆင့် ၁၇ နေရာမှာပဲ ရှိနေသေးပေမယ့် တန်းဆင်းဇုန်နဲ့ ၉ မှတ် ကွာဟနေပြီ ဖြစ်ပါတယ်။ ကူညာ အနေနဲ့ ဝုဗ်နဲ့ စာချုပ်သစ် ချုပ်ဆိုထားခဲ့ပေမယ့် သူ့ကို ခေါ်ယူဖို့ စိတ်ဝင်စားနေတဲ့ ကလပ်တွေ များစွာ ရှိနေဆဲ ဖြစ်ပြီး ဒီအထဲမှာ အာဆင်နယ်နဲ့ မန်ချက်စတာယူနိုက်တက် ထိပ်ဆုံးက ပါဝင်နေဆဲ ဖြစ်ပါတယ်။
ကူညာနဲ့ ဝုဗ်ရဲ့ စာချုပ်သစ်အရ စာချုပ်ဖျက်သိမ်းကြေး ပေါင် ၆၂.၅ သန်း ရှိမယ်လို့ ယူဆရပြီး လာမယ့် နွေရာသီ အပြောင်းအရွှေ့မှာ အသင်း ပြောင်းဖို့ သတင်းတွေ ထွက်နေဆဲ ဖြစ်ပါတယ်။ ဒါပေမယ့်လည်း ကူညာ ကတော့ ဝုဗ်မှာ ကစားသမား ဘဝကို ဆက်လက် ဖြတ်သန်းချင်နေတာကြောင့် ခေါ်ယူချင်နေတဲ့ ကလပ်တွေ အတွက် သတင်းဆိုးပဲ ဖြစ်ပါတယ်။
နောက်ဆုံး မှာတော့ ကူညာက “အခု ငါတို့ ပန်းတိုင်ကို ရောက်ဖို့ နီးစပ်နေပါပြီ။ ဒါပေမယ့် ကျွန်တော် နောက်တစ်ဆင့် တက်နိုင်ဖို့ လိုအပ်တယ် ဆိုတာကို ကျွန်တော် ရှင်းရှင်းလင်းလင်း ပြောထားပြီးသားပါ။ ပိုပြီး ကြီးမားတဲ့ အရာတွေ အတွက် တိုက်ပွဲဝင်ချင်ပါတယ်။ ကျွန်တော့်မှာ တိုးတက်မယ့် အလားအလာတွေ ရှိနေပါတယ်။” လို့ ပြောကြားသွားခဲ့ပါတယ်။ ဝုဗ် ကတော့ ပရီးမီးယားလိဂ် လက်ကျန် ပွဲစဉ်တွေ အဖြစ် ဝက်စ်ဟမ်း၊ အစ်ပ်ဆွစ်ချ်၊ စပါး၊ ယူနိုက်တက်၊ လက်စတာစီးတီး၊ မန်စီးတီး၊ ဘရိုက်တန်၊ ပဲလေ့စ်၊ ဘရန့်ဖို့ဒ် တို့နဲ့ ကစားရဦးမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
