ချန်ပီယံလိဂ် ဝင်ခွင့် အတွက် စိုးရိမ်လာရတဲ့ ယူနိုက်တက်၊ နိုင်ပွဲနဲ့ ထိုက်တန်ခဲ့တယ်လို့ ကြွေးကြော်လိုက်တဲ့ ဘရိုက်တန် နည်းပြ (ပရီးမီးယားလိဂ် နောက်ဆုံးရ သတင်းများ)

ချန်ပီယံလိဂ် ဝင်ခွင့် အတွက် စိုးရိမ်လာရတဲ့ ယူနိုက်တက်၊ နိုင်ပွဲနဲ့ ထိုက်တန်ခဲ့တယ်လို့ ကြွေးကြော်လိုက်တဲ့ ဘရိုက်တန် နည်းပြ စတဲ့ သတင်းတွေ အပါအဝင် မေလ ၅ ရက်နေ့ရဲ့ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။

ချန်ပီယံလိဂ် ဝင်ခွင့် အတွက် စိုးရိမ်လာရတဲ့ ယူနိုက်တက်

မန်ချက်စတာယူနိုက်တက် ကတော့ ပရီးမီးယားလိဂ် ပွဲကျန် အဖြစ် ဘရိုက်တန်နဲ့ ကစားခဲ့ရာမှာ အရေးနိမ့်သွားခဲ့ပါတယ်။ ပွဲပြီးခါနီး ပေးလိုက်ရတဲ့ ပင်နယ်တီ ဂိုးကြောင့် အရေးနိမ့်ခဲ့ပြီး ချန်ပီယံလိဂ် ဝင်ခွင့် တနေရာ အတွက် စိုးရိမ်လာရပြီး လစ်ဗာပူးလ်ရဲ့ ဖိအားပေးမှုကို ခံရတော့မှာပါ။

ဒီပွဲမှာ ယူနိုက်တက်တို့ အခွင့်အရေးတွေ ရခဲ့ပေမယ့် အသုံးမချနိုင်ခဲ့လို့ ပွဲပြီးခါနီးမှာ ခံစစ်ကို ပိတ်ဆော့ရင်း ကနေ လုခ်ရှော လက်ထိလို့ ပင်နယ်တီ ပေးလိုက်ရတာပါ။ ဘရိုက်တန် ကတော့ ဒီနိုင်ပွဲကြောင့် ယူရိုပါလိဂ် ဝင်ခွင့် အတွက် မျှော်လင့်ချက် အားကောင်းသွားပြီး ယူနိုက်တက်ကို အက်ဖ်အဖလား ရှုံးကြွေးလည်း ပြန်ဆပ်နိုင်ခဲ့ပါတယ်။

လက်ရှိမှာ ယူနိုက်တက်က လစ်ဗာပူးလ်ထက် တပွဲလျော့ ကစားထားပြီး ၄ မှတ် သာနေပေမယ့် သူတို့ရဲ့ လက်ရှိ ခြေစွမ်းကတော့ စိုးရိမ်စရာ ကောင်းနေပါပြီ။ နယူးကာဆယ်နဲ့ ပွဲအရေအတွက် တူညီသွားသလို ရမှတ် ၂ မှတ် ကွာဟသွားပြီ ဖြစ်လို့ အဆင့် ၃ နေရာ ကိုလည်း ရယူဖို့ ခက်ခက်ခဲခဲ ကစားရတော့မှာ ဖြစ်ပါတယ်။

ပင်နယ်တီ မတိုင်ခင် ပေးခဲ့ရတဲ့ ဖရီးကစ်က ပြစ်ဒဏ်ဘော မဟုတ်ဘူးလို့ လုခ်ရှော ပြော

ဘရိုက်တန်ကို ၁-၀ နဲ့ အရေးနိမ့်ခဲ့တဲ့ ပွဲမှာ သူ့ရဲ့ လက်ထိဘောကြောင့် ပင်နယ်တီ ပေးလိုက်ရတဲ့ အပေါ်မှာ မန်ချက်စတာယူနိုက်တက် နောက်ခံလူ လုခ် ရှောက စောဒကတက်သွားပါတယ်။ ပင်နယ်တီ ဖြစ်လာစေမယ့် အနေအထား အတွက် ဘရိုက်တန်ဟာ အလွတ် တည်ကန်ဘော ရခဲ့ပြီး အဲဒီကန်တင်မှု ကနေ တဆင့် ဂိုးရခဲ့တာပါ။ ပွဲချိန် နောက်ဆုံး မိနစ်မှာ ဧရိယာ အတွင်း ခေါင်းချင်း ယှဉ်တိုက်ရာမှာ လက်နဲ့ ထိခဲ့လို့ ပင်နယ်တီ ပေးလိုက်ရတာ ဖြစ်ပြီး ယူနိုက်တက် ကိုလည်း ရှုံးပွဲတွေ့စေခဲ့ပါတယ်။

ပွဲအပြီးမှာ လုခ် ရှောက “ ပင်နယ်တီ မတိုင်ခင် ပေးခဲ့ရတဲ့ အလွတ်တည်ကန်ဘောက ပြစ်ဒဏ်ဘော မဖြစ်ခဲ့ပါဘူး၊ ကျနော် ဆင်ခြေပေးနေတာ မဟုတ်ပါဘူး၊ ဒါပေမယ့် ကျနော်တို့ ကွင်းထောင့်မှာ ပေးလိုက်ရတာက ပြစ်ဒဏ်ဘောမှ မဟုတ်တာ၊ အဲဒါက မဖြစ်ခဲ့သင့်ပါဘူး” လို့ ပြောဆိုသွားခဲ့ပါတယ်။

သူ့ရဲ့ ပြောဆိုမှု အပေါ် ယူနိုက်တက် နည်းပြ အဲရစ်ခ် တန်ဟက်ဂ် ကလည်း ထောက်ခံခဲ့ပါတယ်။ “ ဒီည ဆိုးရွားတဲ့ ဖျက်ထုတ်မှုတွေ အများကြီး ရှိခဲ့ပါတယ်၊ ဒါပေမယ့် အဲဒီအလုံး ကတော့ မျှတတဲ့ ဖျက်ထုတ်မှုပါ၊ ဒါပေမယ့် ခရာမှုတ်သံပဲ ရခဲ့ပါတယ်” လို့ ပြောဆိုခဲ့ပါတယ်။

နိုင်ပွဲနဲ့ ထိုက်တန်ခဲ့တယ်လို့ ကြွေးကြော်လိုက်တဲ့ ဘရိုက်တန် နည်းပြ

မန်ချက်စတာယူနိုက်တက်ကို နောက်ကျ ပင်နယ်တီဂိုးနဲ့ အနိုင်ရရှိခဲ့ပြီးနောက် ဘရိုက်တန် နည်းပြ ရော်ဘတ်တို ဒီဇာဘီက သူတို့ဟာ နိုင်ပွဲနဲ့ ထိုက်တန်တယ်လို့ ပြောဆိုလိုက်ပါတယ်။ အက်ဖ်အေဖလား ဆီမီးဖိုင်နယ်မှာ အရေးနိမ့်ပြီး ၂ ပတ် မကြာခင် မှာပဲ ယူနိုက်တက်ကို ဘရိုက်တန်တို့ ပရီးမီးယားလိဂ်မှာ လက်စားချေနိုင်ခဲ့တာ ဖြစ်ပါတယ်။

ပွဲအပြီးမှာ ဒီဇာဘီက “ ဆီမီးဖိုင်နယ်မှာ ကတည်းက ကျနော်တို့ နိုင်ပွဲနဲ့ ထိုက်တန်ခဲ့ပြီး ပင်နယ်တီနဲ့ ရှုံးခဲ့တာပါ၊ ဒီနေ့တော့ ပင်နယ်တီနဲ့ ပြန်နိုင်ခဲ့ပါပြီ၊ နှစ်ပွဲစလုံးမှာ ကျနော် တို့က ယူနိုက်တက်ထက် ပိုကောင်းခဲ့ပြီးတော့ အက်ဖ်အေဖလား ပွဲရလဒ်က မမျှတပါဘူး၊ ပင်နယ်တီ ကတော့ ခက်ခဲတဲ့ အခိုက်အတန့်ပါ၊ ကျနော် တို့က ပွဲကို လွှမ်းမိုးနိုင်ခဲ့ပါတယ်” လို့ ပြောဆိုခဲ့ပါတယ်။

“ နောက်ထပ် ၆ ပွဲ ကစားဖို့ ရှိပါသေးတယ်၊ ခက်ခဲတဲ့ ပွဲတွေချည်းပါပဲ၊ ကျနော်တို့ နိုင်ပွဲ လိုအပ်နေပါတယ်၊ အဲဗာတန်နဲ့ ပွဲကို မနိုင်ခဲ့ဘူး ဆိုရင်တော့ ကျနော်တို့ ၃ မှတ် ဆုံးရှုံးရပါလိမ့်မယ်” လို့ သူက ထပ်ပြောခဲ့ပါတယ်။ ဘရိုက်တန်ဟာ လက်ရှိမှာ ယူရိုပါလိဂ် ဝင်ခွင့် အတွက် မျှော်လင့်ချက် ရှိနေတာ ဖြစ်ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.