မန်ချက်စတာယူနိုက်တက် နည်းပြ အဲရစ်ခ် တန်ဟက်ဂ် ကတော့ ဝက်စ်ဟမ်းကို ရှုံးနိမ့်ခဲ့တဲ့ ပရီးမီးယားလိဂ် ပွဲစဉ် အပြီးမှာ အခုလိုပဲ ပြောကြားခဲ့ပါတယ်။ “အဓိက,က ပထမဂိုးပဲဗျ။ ကျွန်တော်တို့ ပွဲကို ထိန်းချုပ်နိုင်ခဲ့တယ်လို့ ထင်ပါတယ်။ ဝက်စ်ဟမ်း ကိုလည်း ဘာအခွင့်အရေးမှ မပေးခဲ့ပါဘူး။ ကျွန်တော်တို့ ကောင်းမွန်တဲ့ အခွင့်အရေး (၃) ကြိမ် ဖန်တီးနိုင်ခဲ့ပေမယ့် တစ်ကြိမ်မှကို အသုံးမချနိုင်ခဲ့ပါဘူး။ အခိုက်အတန့်တစ်ခုက ကျွန်တော်တို့ကို ဆွဲချသွားပြီး ရှုံးနိမ့်တဲ့အထိ ဖြစ်သွားပါတယ်”
“ကျွန်တော် ဒီမတိုင်ခင်က ပြောခဲ့သလိုပါပဲ။ ကျွန်တော်တို့မှာ ဂိုးသွင်းနိုင်တဲ့ ကစားသမားတွေ ရှိပါတယ်။ သူတို့ လုပ်နိုင်တာကိုလည်း အရင်တုန်းက သက်သေပြခဲ့ဖူးပါတယ်။ ဒါပေမယ့် အသင်းလိုက် စွမ်းဆောင်ရည် မကောင်းတာကို ကျွန်တော်တို့ သိထားရမှာ ဖြစ်ပြီး ဒီအတွက် တာဝန်ယူရမှာပါ”
“ဘောလုံးပွဲ တစ်ပွဲ ဆိုတာက အနိုင်ရဖို့နဲ့ ဂိုးတွေ သွင်းနိုင်ဖို့ပါ။ ကျွန်တော်တို့ ဒဏ်ရာတွေနဲ့ ပြဿနာတွေ ရှိပါတယ်။ ဒါပေမယ့် ကွင်းထဲမှာ ရှိတဲ့ ကစားသမားတွေက ပွဲတစ်ပွဲကို အနိုင်ရနိုင်ဖို့ လုံလောက်တဲ့ ကစားသမားတွေပါ။ ရက်ရှ်ဖို့ဒ်ရော၊ အန်တိုနီရော၊ ဟော့ဂျ်လန်းရော၊ တွမ်မီနေးရော ဂိုးသွင်းနိုင်ပါတယ်။ ဒီတော့ အသင်းရဲ့ ကစားသမား စာရင်းမှာ ဂိုးသွင်းနိုင်တဲ့ ကစားသမားတွေ ရှိပြီးသားပါ” တို့ တန်ဟက်ဂ်က ဆိုခဲ့တာပါ။
တန်ဟက်ဂ် ပြောတဲ့ စကားတွေက တကယ်တမ်း မှာတော့ လက်တွေ့နဲ့ ဝေးကွာနေခဲ့တာကို ဝက်စ်ဟမ်းနဲ့ ယူနိုက်တက် ပွဲကြည့်လိုက်တဲ့ ပရိသတ်တိုင်း တွေ့မှာပါ။ ဂါနာချို ပထမပိုင်းမှာ အပိုင်အခွင့်အရေး တစ်ကြိမ် ရခဲ့ပေမယ့် အသုံးမချနိုင်ခဲ့တာ၊ အန်တိုနီ ခင်းပေးလိုက်တဲ့ ဘောလုံးကို ဟို့ဂျ်လန်း၊ ဂါနာချိုတို့ အဆုံးမသတ်နိုင်ခဲ့တာတွေက သက်သေပါ။
တန်ဟက်ဂ် ပြောခဲ့သလို ဝက်စ်ဟမ်းတို့ ပထမဂိုး မရခင်မှာ လောက်လောက်လားလား အခွင့်အရေး မရခဲ့တာ အမှန်ပါပဲ။ ဒါပေမယ့်လည်း တကယ်တမ်း ဂိုးစရသွားတာက ဝက်စ်ဟမ်း ဖြစ်ခဲ့ပြီး အခွင့်အရေးတွေ အသုံးမချနိုင်ခဲ့တဲ့ ယူနိုက်တက် ကတော့ ဒီအတွက် ကိုယ့်အပြစ်ကိုယ် ပြန်ပေးဆပ်လိုက်ရတာ ဖြစ်ပါတယ်။
တိုက်စစ်မှူးတွေ ဂိုးသွင်း မသေချာတာ၊ အခွင့်အလမ်းတွေကို တိတိကျကျ မဖန်တီးနိုင်တာ အစရှိတာတွေက အသင်းကြီး တစ်သင်း အတွက် မဖြစ်သင့်တဲ့၊ မြင်နေရတာမျိုး မဖြစ်သင့်တဲ့ ကိစ္စတွေပါပဲ။
ဒုတိယပိုင်း ပွဲပြီးခါနီး ဂိုးလိုနေတဲ့ အချိန်မျိုးမှာတောင် ရပ်ရှ်ဖို့ဒ်တို့ အုပ်စု (၆) ကိုက်စည်းထိပ်မှာ တိုင်ပတ်နေတာတွေက စိတ်ပျက်ဖို့ ကောင်းပါတယ်။ ဒါက ကစားသမားတွေရဲ့ ကိုယ့်ကိုယ်ကိုယ် ယုံကြည်မှု ပျောက်ဆုံးနေတာကို မျက်ဝါးထင်ထင် မြင်တွေ့စေရတဲ့ အနေအထားမျိုးလည်း ဖြစ်ပါတယ်။
အခုဆိုရင် မန်ချက်စတာယူနိုက်တက်က ပရီးမီးယားလိဂ်မှာ ရှုံးပွဲ ၈ ပွဲ အထိ ရှိလာခဲ့ပြီ ဖြစ်ပါတယ်။ ပရီးမီးယားလိဂ်မှာ ရှုံးပွဲ များနေသလို ချန်ပီယံလိဂ် ကနေလည်း သိက္ခာမဲ့စွာ ထွက်ခွာလာရပြီးပါပြီ။ အခုဆိုရင် ယူနိုက်တက်တို့ မျှော်လင့်နိုင်တာ အက်ဖ်အေဖလားပဲ ကျန်ပါတော့တယ်။ ဒါကလည်း လက်ရှိ ခြေစွမ်း အတိုင်းသာ ဆက်သွားနေဦးမယ် ဆိုရင် မျှော်လင့်ချက် မရှိပါဘူး။
တန်ဟက်ဂ် ကတော့ ရှုံးတဲ့ ပွဲပြီးတိုင်းမှာ အကြောင်းပြချက်ပေါင်း များစွာနဲ့ မီဒီယာတွေရှေ့မှာ ဖြေရှင်းနေပါတယ်။ ဂိုးမသွင်းနိုင်တဲ့ တိုက်စစ်ကစားသမားတွေ၊ ပုံစံကောင်း မရှိတဲ့ အသင်းရဲ့ ကစားပုံတွေကို ကာကွယ်ပေးရင်းနဲ့ပဲ သူလည်း လုံးပါးပါးသွားရတာမျိုး မဖြစ်ဖို့တော့ တန်ဟက်ဂ် တစ်ယောက် ဆန်းစစ် အဖြေရှာဖို့ လိုအပ်နေပြီလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
