လာလီဂါ အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
လာလီဂါ ထိပ်သီး ရီးရဲလ်မက်ဒရစ် ကတော့ မန်ချက်စတာယူနိုက်တက်ရဲ့ အားအထားရဆုံး အဓိက ကစားသမား တစ်ဦး ဖြစ်တဲ့ ဘရူနို ဖာနန်ဒက်စ်ကို စိတ်ဝင်စားနေကြောင်း သိရပါတယ်။ လာလီဂါ ကလပ်က ယူနိုက်တက်ရဲ့ မရှိမဖြစ် ကွင်းလယ်လူကို လူကာ မိုဒရစ်ရဲ့ နေရာမှာ ဆက်ခံသူ အဖြစ် သတ်မှတ်ထားပြီး ပေါင်သန်း ၉၀ နဲ့ ကမ်းလှမ်းဖို့ ပြင်ဆင်နေတယ်လို့ သိရပါတယ်။ ပေါ်တူဂီ လက်ရွေးစင် ကတော့ ပရီးမီးယားလိဂ် ကလပ်မှာ ပျော်ရွှင်နေကြောင်း ထုတ်ဖော် ပြောကြားထားတာကြောင့် ရီးရဲလ်မက်ဒရစ်တို့ ကြိုးပမ်းရာမှာ လွယ်ကူမှာတော့ မဟုတ်ပါဘူး။
နောက်ထပ် လာလီဂါ ထိပ်သီး ကလပ် အက်တလက်တီကိုမက်ဒရစ် ကတော့ ချဲလ်ဆီး ကွင်းလယ်လူ အန်ဇို ဖာနန်ဒက်ဇ်ကို ခေါ်ယူဖို့ အတွက် မကြာခင်မှာ ကြိုးပမ်းသွားဖွယ် ရှိနေပါတယ်။ တီကိုက ကမ္ဘာ့ဖလား ချန်ပီယံ ကစားသမား အန်ဇို အတွက် ပါဘလို ဘာရီယို့စ်နဲ့ ယူရိုသန်း ၃၀ (ပေါင် ၂၅ သန်း) အလိုက်ပေး ကမ်းလှမ်းသွားဖို့ စီစဉ်နေကြောင်းလည်း Fichajesက ဖော်ပြပါတယ်။
အံ့အားသင့်ဖွယ် နောက်ထပ် သတင်း တစ်ပုဒ် မှာတော့ မန်ချက်စတာစီးတီးဟာ အခု နွေရာသီမှာ အာဆင်နယ် ဗဟိုခံစစ် ကြယ်ပွင့် ဝီလီယမ် ဆလီဘာကို ခေါ်ယူဖို့ စီစဉ်နေကြောင်း သိရပါတယ်။ မန်စီးတီးဟာ ရီးရဲလ်မက်ဒရစ်ရဲ့ စိတ်ဝင်စားမှုကို ကြားဖြတ်ကာ ပြင်သစ်သားကို အရ ခေါ်ယူဖို့ ကြိုးပမ်းလာနိုင်ဖွယ် ရှိကြောင်းလည်း Defensa Central က ဖော်ပြပါတယ်။
လာလီဂါ ကလပ် ဘာစီလိုနာ ကတော့ ပိုလန် ဂိုးသမားကြီး ဝေါ့ဆစ် ရှက်ဇီနီကို ၂၀၂၆ ခုနှစ် ဇွန်လ အထိ သက်တမ်းတိုးဖို့ သဘောတူညီမှု ရရှိထားပြီလို့ သိရပါတယ်။ ရှက်ဇီနီဟာ ကစားသမား ဘဝ ကနေ အနားယူပြီးမှ ဘာစီလိုနာ အတွက် ပြန်လည် ကစားပေးနေတာ ဖြစ်ပြီး လက်စွမ်းလည်း ပြလျက် ရှိနေပါတယ်။ ရှက်ဇီနီဟာ လက်ရှိမှာ အသက် ၃၄ နှစ် အရွယ် ရှိနေပြီး ပြီးခဲ့တဲ့ အောက်တိုဘာလ ကမှ ဘာစီလိုနာကို ရောက်ရှိပေမယ့် ပြိုင်ပွဲစုံ ၁၈ ပွဲ အထိ ကစားပြီး လာလီဂါ မှာတော့ ၉ ပွဲ ကစားကာ Clean Sheet ၅ ပွဲ ရရှိထားပါတယ်။
ချဲလ်ဆီး ကတော့ ဘာစီလိုနာ ညာနောက်ခံလူ ဂျူးလ်စ် ကွန်ဒေးကို ယူရို သန်း ၇၀ (ပေါင် ၅၈.၅ သန်း) နဲ့ ကမ်းလှမ်းဖို့ ပြင်ဆင်နေပါတယ်။ ဒီပြင်သစ် နောက်ခံလူကို ချဲလ်ဆီးက ဘာစီလိုနာကို မပြောင်းရွှေ့ခင် ကတည်းက စိတ်ဝင်စားခဲ့တာ ဖြစ်ပေမယ့် ကွန်ဒေးဟာ ဘာစီလိုမှာ ကစားဖို့ ရွေးချယ်ခဲ့သူ ဖြစ်ပါတယ်။
ဟန်ဆီ ဖလစ် ကတော့ လစ်ဗာပူးလ် တိုက်စစ်မှူး လူးဝစ္စ ဒီးယက်ဇ်ကို ခေါ်ယူဖို့ ဘာစီလိုနာရဲ့ ကြိုးပမ်းမှုကို ဗီတိုအာဏာသုံးကာ ပယ်ချလိုက်ကြောင်း သိရပါတယ်။ ဟန်ဆီ ဖလစ်ခ်ဟာ လူးဝစ္စ ဒီးယက်ဇ်ကို ခေါ်ယူဖို့ထက် နီကို ဝီလီယမ်စ်ကို ပိုပြီး ကြိုးပမ်းစေချင်နေတာ ဖြစ်ပါတယ်။ အာဆင်နယ် ကတော့ လာလီဂါ ကလပ် ဘာစီလိုနာ ကွင်းလယ်လူ မာ့ခ် ကာဆာဒိုကို ခေါ်ယူဖို့ အတွက် ချဲလ်ဆီးနဲ့ အပြိုင် ကြိုးပမ်းသွားဖို့ ရှိနေပါတယ်။ နှစ်သင်းစလုံး ကတော့ ဒီကစားသမားကို ယူရို ၃၅ သန်း ကနေ သန်း ၄၀ (ပေါင် ၂၉.၃ သန်း ကနေ ၃၃.၅ သန်း) နဲ့ ကမ်းလှမ်းဖို့ ပြင်ဆင်နေကြောင်း El Nacional က ဖော်ပြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
