ရီးရဲလ်မှာ ဆက်ရှိဖို့ မသေချာတော့တဲ့ အဆန်စီယို၊ မက္ကဆီကို ကြယ်ပွင့်ကို ခေါ်ယူဖို့ ပြင်ဆင်နေတဲ့ ဘာစီလိုနာ (လာလီဂါ နောက်ဆုံးရ သတင်းများ)

ရီးရဲလ်မှာ ဆက်ရှိဖို့ မသေချာတော့တဲ့ အဆန်စီယို၊ မက္ကဆီကို ကြယ်ပွင့်ကို ခေါ်ယူဖို့ ပြင်ဆင်နေတဲ့ ဘာစီလိုနာ အစရှိတဲ့ သတင်းတွေ အပါအဝင် မေလ ၁၂ ရက်နေ့ရဲ့ လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ရီးရဲလ်မှာ ဆက်ရှိဖို့ မသေချာတော့တဲ့ အဆန်စီယို

စပိန် တောင်ပံ ကစားသမား မားကို့စ် အဆန်စီယိုဟာ လာမယ့် ရာသီမှာ လာလီဂါ ထိပ်သီး ရီးရဲလ်မက်ဒရစ် အတွက် ဆက်လက် ကစားပေးဖို့ မသေမချာ ဖြစ်နေပါတယ်။ ဒီရာသီမှာ သူ ဝင်ရောက် ကစားတိုင်း ခြေစွမ်းပြနေပေမယ့်လည်း နည်းပြ ကာလို အန်ဆယ်လော့တီရဲ့ ဦးစားပေးခြင်း ကိုတော့ မရရှိခဲ့သူ ဖြစ်ပါတယ်။

ဒါကြောင့် အဆန်စီယိုက အသင်း ပြောင်းရွှေ့ချင်နေပြီး သူ့ကို ဘာစီလိုနာ အပါအဝင် အသင်း တော်တော်များများက စိတ်ဝင်စားနေပါတယ်။ ရီးရဲလ် အကယ်ဒမီက ထွက်ပေါ်ခဲ့တဲ့ အဆန်စီယိုဟာ ဘာနေဗျူးမှာ နှစ်ပေါင်း များစွာ ကစားပေးခဲ့ပြီး အောင်မြင်မှု အများအပြားလည်း ရယူနိုင်ခဲ့သူ ဖြစ်ပါတယ်။

တောင်ပံ တိုက်စစ်ပိုင်းမှာ ကောင်းကောင်း ကစားနိုင်ပြီး ဂိုးသွင်းအား ကောင်းတဲ့ ကစားသမားလည်း ဖြစ်ပါတယ်။ ဒါပေမယ့် လက်ရှိအချိန် ထိတော့ သူ့ရဲ့ အနာဂတ်ကို မသိသေးဘူးလို့ အဆန်စီယိုက အင်တာဗျူး တစ်ခုမှာ ပြောဆိုထားပြီး သူ့ရဲ့ အနာဂတ်က ရာသီကုန်မှသာ အတိအကျ သိရမှာ ဖြစ်ပါတယ်။

မက္ကဆီကို ကြယ်ပွင့်ကို ခေါ်ယူဖို့ ပြင်ဆင်နေတဲ့ ဘာစီလိုနာ

ပေါ်တူဂီ ကလပ် စပို့တင်းလစ္စဘွန်းမှာ ခြေစွမ်းပြနေပြီး အသင်းကြီးတွေရဲ့ အာရုံစိုက်မှုကို ရရှိနေတဲ့ အသက် ၁၉ နှစ် အရွယ် မက္ကဆီကို ကစားသမား ဂျီးဆပ် အယ်လ်ကန်တာကို ဘာစီလိုနာက ခေါ်ယူဖို့ ပြင်ဆင်နေပါပြီ။ ဒီရာသီမှာ စပို့တင်း အတွက် သူက ၂၂ ပွဲ ကစားပေးထားပြီး ၂ ဂိုး သွင်းယူပေးထားပါတယ်။

ဂျီးဆပ် အယ်လ်ကန်တာဟာ ဗဟို ခံစစ်မှူး တစ်ဦးဖြစ်ပြီး မက္ကဆီကိုရဲ့ အတောက်ပဆုံး ကစားသမားလို့ သတ်မှတ်ခံထားရသူ ဖြစ်ပြီး စပို့တင်း ကတော့ ပြောင်းရွှေ့ကြေး မြင့်မြင့်မားမား ရရင် ရောင်းချဖွယ်ရာ ရှိနေပါ‌တယ်။ တကယ်လို့ သူဟာ လာလီဂါ ထိပ်သီး ဘာစီလိုနာကို ပြောင်းရွှေ့မယ် ဆိုရင်တော့ မက္ကဆီကို ကစားသမားဟောင်း မားကွက်ဇ် ကိုင်တွယ်နေတဲ့ B အသင်းမှာ အရင်ဆုံး ကစားရမှာပါ။

ဘာစီလိုနာ ကတော့ ကစားသမားသစ်တွေ ခေါ်ယူဖို့ ဘဏ္ဍာရေး ပြသနာ အနည်းငယ် ရှိနေပေမယ့်လည်း သူတို့ရဲ့ ကစားသမားတွေကို ပြန်လည်ရောင်းချမှုတွေ ကနေ ခေါ်ယူဖို့ အတွက် အခွင့်အလမ်း ရှာဖွေနေပါတယ်။ ဘာဆာက ထွက်ခွာမယ့် ကစားသမားတွေ ကလည်း အနည်းဆုံး ၄ ဦး၊ ၅ ဦး အထိ ရှိနေတယ်လို့ သိရပါတယ်။

ဘူးစကွက်စ် ထွက်တာ မက်ဆီကို ပြန်ခေါ်ဖို့ အတွက် အကူအညီ ဖြစ်မယ် ဆိုတဲ့ လာလီဂါ ဥက္ကဌ

ဘာစီလိုနာ အတွက် ၁၈ နှစ်ကြာ ကစားပေးခဲ့ပြီးနောက် ထွက်ခွာတော့မယ့် အသင်းခေါင်းဆောင် ဆာဂျီယို ဘူးစကွက်စ်ရဲ့ အပြောင်းအရွှေ့ဟာ မက်ဆီကို ပြန်ခေါ်ဖို့ အတွက် ဘာဆာကို အကူအညီ ဖြစ်စေလိမ့်မယ်လို့ လာလီဂါ ဥက္ကဌ ဂျာဗီယာတီဘက်က ပြောဆိုလိုက်ပါတယ်။ ဘူးစကွက်စ်ဟာ စာချုပ်သစ် အတွက် ဆွေးနွေးပြီးမှ ထွက်ခွာဖို့ ဖြစ်လာခဲ့တာပါ။

“ သူ ထွက်ခွာတာက မက်ဆီကို ဘာစီလိုနာက ပြန်ခေါ်ဖို့ အတွက် လမ်းကြောင်း စတာပါပဲ၊ ဒါပေမယ့် သူတို့တွေ အလုပ် အများကြီး လုပ်ရဦးမှာပါ၊ ဒီအပြောင်းအရွှေ့ ဖြစ်လာမယ်လို့ ကျနော် မပြောနိုင်ပေမယ့်လည်း သူတို့ရဲ့ စီးပွားရေး ကိုတော့ ချုပ်ကိုင်မယ့် ခေါ်ယူမှုပါပဲ” လို့ တီဘက်စ်က ဆိုပါတယ်။

မက်ဆီဟာ ဘာဆာ ကနေ ထွက်ခွာခဲ့တာ ၂ နှစ်ရှိပြီ ဖြစ်ကာ ပြင်သစ် ကလပ် ပီအက်စ်ဂျီမှာ ကစားနေတာပါ။ ဒါပေမယ့် ရာသီကုန် မှာတော့ သူက ပြန်လည် ထွက်ခွာတော့မှာ သေချာသလောက် ရှိနေပြီး အသင်းဟောင်း ဘာစီလိုနာ အပြင် ဆော်ဒီ ကလပ်တွေ ကလည်း မက်ဆီကို စိတ်ဝင်စားနေကြပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.