ဘွန်ဒက်စ်လီဂါကလပ်လိုက်ပ်ဇစ်ကတော့အခုနွေရာသီမှာအသင်းရဲ့တိုက်စစ်မှူးဘင်ဂျာမင်ဆက်စ်ကိုအတွက်ကမ်းလှမ်းမှုတွေကိုနားစွင့်ထားပြီဖြစ်ကြောင်းသိရပါတယ်။လိုက်ပ်ဇစ်ကဆက်စ်ကိုအတွက်ယူရိုသန်း၇၀ (ပေါင်၅၈.၉သန်း) ဝန်းကျင်နဲ့ကမ်းလှမ်းလာရင်ကိုဆွေးနွေးမှုတွေစတင်ဖို့အဆင်သင့်ဖြစ်နေကြောင်းသတင်းတွေကဖော်ပြပါတယ်။
ဆက်စ်ကိုဟာဘွန်ဒက်စ်လီဂါကလပ်အတွက်၇၈ပွဲကစားပြီး၃၅ဂိုးသွင်းယူကာဒီရာသီမှာလည်းခြေစွမ်းပြနေသူဖြစ်ပါတယ်။သူ့ကိုပြီးခဲ့တဲ့အပြောင်းအရွှေ့တွေမှာထဲကပရီးမီးယားလိဂ်ထိပ်သီးအာဆင်နယ်ကခေါ်ယူနိုင်ဖို့အနီးစပ်ဆုံးဖြစ်ခဲ့ပြီးမန်ချက်စတာယူနိုက်တက်နဲ့ပီအက်စ်ဂျီတို့လိုဥရောပထိပ်တန်းကလပ်တွေကလည်းခေါ်ယူဖို့စိတ်အားထက်သန်ခဲ့ပါတယ်။ဆက်စ်ကိုဟာပြီးခဲ့တဲ့ရာသီကလိုက်ပ်ဇစ်အတွက်ဘွန်ဒက်စ်လီဂါအပါအဝင်ပြိုင်ပွဲစုံ၄၂ပွဲကစားကာ၁၈ဂိုးသွင်းယူနိုင်ခဲ့ပါတယ်။ဆလိုဗေးနီးယားသားဟာဒီရာသီမှာလည်းသူ့ရဲ့ခြေစွမ်းကောင်းတွေကိုဆက်လက်ထိန်းသိမ်းထားနိုင်ပြီးတော့၃၆ပွဲကစားပြီးချိန်မှာတင်၁၇ဂိုးသွင်းကာဂိုးဖန်တီးမှုလည်း၆ကြိမ်ပြလုပ်ထားနိုင်ပါတယ်။
ဆက်စ်ကိုနဲ့လိုက်ပ်ဇစ်ချုပ်ဆိုထားတဲ့စာချုပ်အရကနဦးမှာယူရိုသန်း၇၀ကနေစတင်ကမ်းလှမ်းနိုင်မှာဖြစ်ပေမယ့်ကစားသမားရဲ့တိုးတက်လာတဲ့စွမ်းဆောင်ရည်နဲ့ပြောင်းလဲမှုတွေကြောင့်ရာသီမကုန်ခင်မှာပဲပြောင်းရွှေ့ကြေးကမြင့်တက်သွားဖွယ်ရှိနေပါတယ်။
ဒါပေမယ့်လည်းစိတ်ဝင်စားစရာကောင်းတာက၊လိုက်ပ်ဇစ်ဟာလာမယ့်လအနည်းငယ်အတွင်းမှာဆက်စ်ကိုကိုလက်လွှတ်သွားဖို့ရှိပြီးပြောင်းရွှေ့ကြေးကိုလျှော့ချပေးသွားဖွယ်ရှိနေတာဖြစ်ပါတယ်။နာမည်ကျော်ဘောလုံးသတင်းထောက်ခရစ္စတီယန်ဖော့ခ်ရဲ့ဖော်ပြချက်အရလိုက်ပ်ဇစ်ဟာဆက်စ်ကိုအတွက်ယူရိုသန်း၇၀နဲ့ကမ်းလှမ်းလာရင်ကိုလက်ခံစဉ်းစားသွားဖို့ရှိနေတယ်လို့သိရပါတယ်။
ဆက်စ်ကိုကမကြာသေးခင်ကယူနိုက်တက်ရဲ့တိုက်စစ်ပစ်မှတ်ဆန်ကာတင်၄ဦးစာရင်းမှာပါဝင်ခဲ့ပေမယ့်လည်းအာဆင်နယ်ကတော့ဒီကစားသမားကိုခေါ်ယူနိုင်ဖို့ထိပ်ဆုံးကဦးဆောင်နေဆဲဖြစ်ပါတယ်။ဒါ့အပြင်ဆက်စ်ကိုကိုပရီးမီးယားလိဂ်ကလပ်ဖြစ်တဲ့နယူးကာဆယ်နဲ့လီဂူးဝမ်းထိပ်ငီးပီအက်စ်ဂျီကလည်းစိတ်ဝင်စားနေပါတယ်။ယူရိုသန်း၇၀ဆိုတဲ့တန်ကြေးဟာအသင်းအားလုံးအတွက်တတ်နိုင်တဲ့ပမာဏဖြစ်တာကြောင့်ဆလိုဗေးနီးယားတိုက်စစ်မှူးအနေနဲ့ဘယ်အသင်းကိုပြောင်းရွှေ့သွားမလဲဆိုတာစိတ်ဝင်စားစရာဖြစ်ပါတယ်။
လာမယ့်နွေရာသီအပြောင်းအရွှေ့အတွင်းမှာတော့နာပိုလီရဲ့ဗစ်တာအိုဆင်မ်ဟန်၊စပို့တင်းလစ္စဘွန်းကဗစ်တာယိုကီးရက်စ်နဲ့နယူးကာဆယ်ကအလက်ဇန္တားအိဆက်ခ်တို့ဟာမဖြစ်မနေစောင့်ကြည့်ရမယ့်ကစားသမားဖြစ်ပါတယ်။ဒါ့အပြင်ဖရန့်ဖတ်ကဟူဂိုအီကီတီကီနဲ့အစ်ပ်ဆွစ်ချ်ကလီယမ်ဒီလပ်တို့ကိုထိပ်တန်းကလပ်များစွာကစိတ်ဝင်တစားစောင့်ကြည့်လျက်ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
