ဆွန်မားထက် ကက်စ်ပါ ရှမိုက်ကယ်ကို ပိုပြီး လိုချင်ခဲ့တဲ့ ဘေယန်၊ ချဲလ်ဆီး ကွင်းလယ်လူကို ပစ်မှတ်ထားနေတဲ့ ဒေါ့မန် (ဘွန်ဒက်စ်လီဂါ နောက်ဆုံးရ သတင်းများ)

ဆွမ်မားထက် ကက်စ်ပါ ရှမိုက်ကယ်ကို ပိုပြီး လိုချင်ခဲ့တဲ့ ဘေယန်၊ ချဲလ်ဆီး ကွင်းလယ်လူကို ပစ်မှတ်ထားနေတဲ့ ဒေါ့မန် စတဲ့ သတင်းတွေ အပါအဝင် ဧပြီလ ၂၆ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ဆွမ်မားထက် ကက်စ်ပါ ရှမိုက်ကယ်ကို ပိုပြီး လိုချင်ခဲ့တဲ့ ဘေယန်

ဘေယန်မြူးနစ် တာဝန်ရှိသူတွေဟာ အသင်းရဲ့ အဓိက ဂိုးသမား မန်ဝဲလ် နူအာရဲ့ နေရာကို ရေတို အစားထိုးဖို့ အသင်းကို လက်ရှိ ရောက်လာတဲ့ ယန်း ဆွမ်မားထက် လက်စတာ ဂိုးသမားဟောင်း ကက်စ်ပါ ရှမိုက်ကယ် ကိုသာ ပိုမို လိုချင်ခဲ့တယ်လို့ သိရပါတယ်။ 

အသက် (၃၄) နှစ် အရွယ် ဆွစ်ဇာလန် လက်ရွေးစင် ဂိုးသမားကို ဘေယန်မြူးနစ်တို့ အရေးပေါ် ခေါ်ယူခဲ့ရတာ ဖြစ်ပြီး သူ့အတွက် ဘွန်ဒက်စ်လီဂါ ပြိုင်ဘက် မိုချန်ဂလာဘတ်ကို ပြောင်းရွှေ့ကြေး ပေါင် (၇) သန်း ပေးချေခဲ့ရပါတယ်။ 

သတင်းတွေ အရ ဘေယန်မြူးနစ်ရဲ့ တာဝန်ရှိသူတွေ ကတော့ လက်ရှိ နိုက်စ် အတွက် ပုံမှန် ပွဲထွက် ကစားပေးနေတဲ့ ကက်စ်ပါ ရှမိုက်ကယ် ကိုသာ အသင်းရဲ့ အဓိက ဂိုးသမား နေရာ အတွက် ရေတို အစားထိုးဖို့ ဦးစားပေး ပစ်မှတ်ထားခဲ့တာပါ။ ဒါပေမယ့် ဆွန်မားကို ခေါ်ယူဖို့ အတွက် ယခင် နည်းပြဟောင်း ဂျူလီယန် နေဂဲလ်စ်မန်းက ဆန္ဒရှိခဲ့တာ ဖြစ်ပြီး သူ့ကြောင့်သာ ခေါ်ယူပေးခဲ့ရတာ ဖြစ်တယ်လို့ သိရပါတယ်။ 

ဘယ်လိုဂန် အတွက် အာဆင်နယ် သတ်မှတ်တဲ့ ပြောင်းရွှေ့ကြေးကို စိတ်ပျက်နေတဲ့ လိုက်ပ်ဇစ်

ဘွန်ဒက်စ်လီဂါ ကလပ်ဟာ လက်ရှိ ရိမ်းစ်မှာ အငှားနဲ့ သွားရောက် ကစားနေတဲ့ အာဆင်နယ် ကြယ်ပွင့် ဖိုလာရင် ဘယ်လိုဂန် အတွက် မိခင်ကလပ် ဘက်က သတ်မှတ်တဲ့ ပြောင်း‌ရွှေ့ကြေး အပေါ် စိတ်ပျက်နေကြောင်း သိရပါတယ်။ 

ဘာလိုဂန်ဟာ အင်္ဂလန် ယူ-၂၁ ရဲ့ တိုက်စစ်မှူး တစ်ယောက်လည်း ဖြစ်ပြီး ဒီရာသီ ပြင်သစ် လီဂူးဝမ်းမှာ ပြသနေတဲ့ ခြေစွမ်းတွေ၊ သွင်းဂိုးတွေကြောင့် ဥရောပထိပ်တန်း အသင်းတွေရဲ့ စိတ်ဝင်စားခြင်းကို ခံနေရတာပါ။ ဒါပေမယ့် အာဆင်နယ် ကတော့ ဘာလိုဂန် အတွက် ပြောင်းရွှေ့ကြေးကို ပေါင် (၃၅) သန်း တောင်းဆိုနေပြီး ဘာလိုဂန် အတွက် ဒီပမာဏကို ပေးချေဖို့ မထိုက်တန်ဘူးလို့ လိုက်ပ်ဇစ်ဘက်က ယူဆနေပါတယ်။ 

အဆိုပါ အင်္ဂလန် ကြယ်ပွင့်ကို ခေါ်ယူဖို့ အတွက် စီးရီးအေ နာမည်ကြီး ကလပ် အေစီမီလန် ကလည်း စိတ်ဝင်စားနေပြီး အားကစား ဒါရိုက်တာ‌ ပေါ်လို မာလ်ဒီနီက ကစားသမားရဲ့ အခြေအနေကို အနီးကပ် စောင့်ကြည့်လျက် ရှိပါတယ်။ 

ချဲလ်ဆီး ကွင်းလယ်လူကို ပစ်မှတ်ထားနေတဲ့ ဒေါ့မန်

ဒေါ့မန်ဟာ လာမယ့် နွေရာသီမှာ ချဲလ်ဆီးရဲ့ ရောင်းချခြင်းကို ခံရမယ့် ကွင်းလယ်လူ ကော်နာ ဂယ်လာဂါကို ခေါ်ယူဖို့ အတွက် စိတ်ဝင်စားနေကြောင်း သိရပါတယ်။ 

အဆိုပါ အင်္ဂလန် လက်ရွေးစင် ကွင်းလယ်လူဟာ ချဲလ်ဆီးရဲ့ အနာဂတ် စီမံကိန်းတွေမှာ ပါဝင်ခြင်း မရှိတော့ဘဲ လာမယ့် နွေရာသီမှာ အသင်းက ထုတ်ရောင်းနိုင်ဖွယ် ရှိတဲ့ ကစားသမားတွေ ထဲက တစ်ယောက် အဖြစ် စာရင်းသွင်းခံထားရပါတယ်။ 

ဒါကြောင့်လည်း လာမယ့် နွေရာသီမှာ အဓိက ကွင်းလယ်လူ ဂျူ့ဒ် ဘယ်လင်ဟမ်ကို လက်လွှတ်ခံရဖို့ ရှိနေတဲ့ ဘွန်ဒက်စ်လီဂါ ကလပ်က စိတ်ဝင်စားလာခဲ့တာ ဖြစ်ပါတယ်။ ချဲလ်ဆီး ကတော့ ဂယ်လာဂါ အတွက် ပြောင်းရွှေ့ကြေး ယူရိုသန်း (၅၀) ရရှိရင် ရောင်းချသွားမှာ ဖြစ်ပြီး ဒီကစားသမားကို ခေါ်ယူဖို့ အတွက် ဒေါ့မန် အပြင် လစ်ဗာပူးလ် ကလည်း စိတ်ဝင်စားလျက် ရှိကြောင်း သိရပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.