တနင်္ဂနွေနေ့ ညက ဖရိုဆီနုန်းကို ၂-၀ နဲ့ အနိုင်ရခဲ့ပြီး အင်တာမီလန်တို့ စီးရီးအေ အမှတ်ပေးဇယား ထိပ်ဆုံးကို ပြန်လည် တက်လှမ်းနိုင်ခဲ့ပါတယ်။ အဲ့ဒီ ပွဲစဉ် မှာတော့ ပရိသတ်တွေ အနေနဲ့ ရင်သပ်ရှုမောဖွယ် ကောင်းတဲ့ အခိုက်အတန့် တစ်ခုကို မြင်တွေ့ခဲ့ရပါတယ်။
ဒီအပတ်မှာ နာပိုလီက အမ်ပိုလီကို ရှုံး၊ အေစီမီလန် ကလည်း လက်ချီနဲ့ သရေကျချိန် အင်တာမီလန်တို့ ဖရိုဆီနုန်းကို ခက်ခက်ခဲခဲ အနိုင်ယူခဲ့ပြီးနောက် ဂျူဗင်တပ်စ်ကို ကျော်ပြီး စီးရီးအေ အမှတ်ပေးဇယား ထိပ်ဆုံးကို ပြန်တက်လှမ်းနိုင်ခဲ့တာပါ။
ဖရိုဆီနုန်းကို အနိုင်ရခဲ့တဲ့ ပွဲစဉ်မှာ အင်တာမီလန် အတွက် ဒီမာကိုက အဖွင့်ဂိုးကို ကွင်းလယ် ဘယ်တောင်ပံ ကနေ အံ့အားသင့်ဖွယ် ကန်ချက်နဲ့ အတူ လှလှပပ ကန်သွင်းယူသွားခဲ့တာ ဖြစ်ပြီး ဖရိုဆီနုန်း ဂိုးသမား ဘယ်လိုမှ ကာကွယ်နိုင်ခြင်း မရှိခဲ့တာ ဖြစ်ပါတယ်။ ဒီအံ့အားသင့်ဖွယ် သွင်းဂိုးက ဆန်ဆီရိုကွင်းထဲက ပရိသတ်တွေ အားလုံးဟာ အံ့ဩတကြီး အောင်ပွဲခံခဲ့ကြပြီး အင်တာမီလန် ဂိုးသမား ယန်း ဆွန်းမားလည်း ဂိုးပေါက်ရှေ့မှာ မယုံနိုင်ဟန်နဲ့ အောင်ပွဲခံခဲ့ပါတယ်။
ဒီသွင်းဂိုးဟာ ဒီရာသီရဲ့ ပွတ်ရှ်ကက်ရှ်ဆု အတွက် ရေပန်းအစားဆုံး သွင်းဂိုး ဖြစ်လာတော့မှာ ကျိန်းသေသလောက် ရှိနေပါတယ်။ အသက် ၂၄ နှစ် အရွယ် နောက်ခံကစားသမားဟာ အံ့အားသင့်ဖွယ် သွင်းဂိုးနဲ့ ပတ်သက်ပြီးလည်း ရိုးရိုးသားသား ဝန်ခံခဲ့ပါသေးတယ်။ ဒီမာကိုက အစတုန်းက ဒမ်ဖရီးစ်ကို မြင်တွေ့ခဲ့ရတာကြောင့် ဘောလုံး ပေးပို့ဖို့ စဉ်းစားခဲ့ပေမယ့်လည်း ဂိုးသမား ကလည်း ဂိုးအပြင်ဘက် ရောက်နေတာ မြင်ခဲ့တာကြောင့် ကံစမ်းခဲ့တာ ဖြစ်ပြီး ဂိုးမဝင်ခဲ့ရင်တော့ အဆဲခံရမှာ ဖြစ်လို့ ကစားသမားဘဝမှာ အကောင်းဆုံး သွင်းဂိုးတွေထဲက တစ်ဂိုး ဖြစ်ခဲ့တယ်လို့ ပြောဆိုခဲ့ပါတယ်။
ဒီမာကိုဟာ ဇန်နဝါရီလမှာ မန်ချက်စတာယူနိုက်တက်ကို ပြောင်းရွှေ့ဖို့ သတင်းတွေ ထွက်ပေါ်နေခဲ့သူ ဖြစ်ပြီး ဒီသွင်းဂိုးကို မြင်တွေ့ခဲ့ရပြီးနောက် တန်ဟက်ဂ်ရဲ့ အသင်းက ဘာကြောင့် ခေါ်ယူချင်နေတာလဲ ဆိုတာ ရှင်းလင်းသွားပြီ ဖြစ်ပါတယ်။ လက်ရှိမှာ ယူနိုက်တက်က ဘယ်နောက်ခံ နေရာ အတွက် ရက်ဂီလွန်း ရှိနေပေမယ့် ညာနောက်ခံလူ အဖြစ် အဓိက ကစားတဲ့ ဒါးလော့တ်ကို မကြာခဏ အသုံးပြုနေပါတယ်။ အကယ်၍ တန်ဟက်ဂ် အသင်း အနေနဲ့ ဖက်ဒရစ်ကို ဒီမာကို ကိုသာ ခေါ်ယူနိုင်ခဲ့မယ် ဆိုရင်တော့ ဘယ်နောက်ခံနေရာ အတွက် စိတ်အားသွားရနိုင်ပါတယ်။ ဒီမာကိုဟာ ဘယ်တောင်ပံ တစ်လျှောက် လွန်းထိုး ကစားနိုင်ပြီး လက်ရှိရာသီ စီးရီးအေမှာ အင်တာမီလန် အတွက် ၁၁ ပွဲ ကစားပြီး ၂ ဂိုးသွင်းကာ ၄ ဂိုး ဖန်တီးပေးထားပါတယ်။ ဒါ့အပြင် ဒီကစားသမားဟာ ကြံခိုင်မှု ကောင်းပြီး အင်တာမီလန် အတွက် ၂ နှစ်ကျော် ကာလ အတွင်း ပွဲပေါင်း ၁၀၀ ကျော် ကစားပေးထားပါတယ်။
ဒါပေမယ့်လည်း ယူနိုက်တက်ဟာ အင်တာမီလန် ဘယ်နောက်ခံလူကို ခေါ်ယူချင်နေပေမယ့် စီးရီးအေ ထိပ်သီး အသင်းက သူတို့ရဲ့ ကစားသမားကို အနည်းဆုံး ပေါင်သန်း ၅၀ ဝန်းကျင်လောက် ရမှ ထွက်ခွာခွင့်ပေးသွားဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
