ဒီနေ့ဆိုရင် ဥရောပ ချန်ပီယံလိဂ် အုပ်စု အဆင့်တွေရဲ့ ပွဲစဉ် ၄ ကို ကစားတော့မှာပါ။ ဒီပွဲတွေ ပြီးရင် နောက်တဆင့်ကို တက်ရောက်နိုင်မယ့် အသင်းတွေ ထွက်ပေါ်လာမှာ ဖြစ်ပြီး ဘယ်အသင်းတွေ ကတော့ အခြေအနေ ကောင်းမလဲ၊ ယူရိုပါလိဂ်ကို ဘယ်သူတွေ ရောက်သွားနိုင်မလဲ ဆိုတာ အနီးစပ်ဆုံး ခန့်မှန်းနိုင်မှာပါ။ လက်ရှိအနေအထားကို ကြည့်မယ် ဆိုရင်တော့ နောက်တဆင့် တက်ဖို့က ထုံးစံအတိုင်း အသင်းကြီးတွေပဲ အခြေအနေ ကောင်းနေပါတယ်။
ဘေယန်မြူးနစ်၊ ရီးရဲလ်မက်ဒရစ်၊ ရီးရဲလ်ဆိုဆီဒက်၊ အင်တာမီလန်၊ မန်ချက်စတာစီးတီး၊ လိုက်ပ်ဇစ်၊ ဘာစီလိုနာ တို့က ဒီတစ်ပတ် ပွဲတွေကို နိုင်လိုက်တာနဲ့ နောက်တဆင့် အတွက် သေချာပါပြီ။ အာဆင်နယ်၊ အေတီကို၊ ဖီယင်နော့ဒ်၊ နာပိုလီ၊ လန်းစ်တို့လည်း နိုင်ပွဲရတာနဲ့ နောက်တဆင့်အတွက် ၉၀% သေချာသွားမှာပါ။ နာမည်ကြီး အသင်းတွေထဲ ကနေ ရုန်းကန်နေရမှာ ကတော့ မန်ချက်စတာယူနိုက်တက် ပါပဲ။ သူကတေ့ာ ဒီတပတ် ကိုပင်ဟေဂင်နဲ့ ပွဲကို မဖြစ်မနေ အနိုင်ရဖို့ လိုအပ်နေပြီး နိုင်ရင်တောင်မှ လက်ကျန်ပွဲတွေကို စောင့်ကြည့်ရဦးမှာပါ။
နယူးကာဆယ်၊ ဒေါ့မန်နဲ့ အေစီမီလန် တို့ကလည်း အုပ်စုတွင်းမှာ အပြိုင် ဖြစ်နေပြီး လက်ကျန် ပွဲတိုင်းက သူတို့ အတွက် အရေးပါနေပါတယ်။ ကာဆယ်နဲ့ ဒေါ့မန်က ၄ မှတ်စီ ရထားပြီး အေစီက ၂ မှတ် ရထားလို့ ဘာမှပြောလို့ မရသေးတဲ့ အနေအထားပါ။ ကျန်အုပ်စုတွေ မှာတော့ အုပ်စု ဒုတိယ အသင်းတွေ အခြေအနေ ကောင်းနေပြီး ယူနိုက်တက် အုပ်စုမှာတော့ ဂါလာတာစာရေးနဲ့ သူတို့က အပြိုင်ပါပဲ။
ဒါကြောင့် ဒီနေ့ပွဲတွေက တော်တော်လေး အရေးကြီးနေပြီး အသင်းတိုင်း အတွက် သေရေးရှင်ရေးပါပဲ။ ယူရိုပါလိဂ် နေရာ အတွက်ပါ အပြိုင်လုရမယ့် အသင်းတွေ ရှိနေလို့ ပွဲတိုင်းက သေချာပေါက် ကြည့်ကောင်းနေမှာပါ။ ပရိသတ်တွေ အကြိုက်တွေ့ဦးမယ့် ပွဲစဉ်တွေ သေချာပေါက်ကို ပါဝင်လာမှာ ဖြစ်ပြီး သွင်းဂိုးတွေလည်း အပြန်အလှန် သွင်းတာကို မြင်ရမယ်လို့ ထင်ပါတယ်။ ဒါကိုကပဲ ချန်ပီယံလိဂ်ရဲ့ ဆွဲဆောင်မှုပါပဲ။
မန်ချက်စတာယူနိုက်တက်လို အသင်းရဲ့ အနေအထား ကပါ စိတ်ဝင်စားစရာ ဖြစ်နေလို့ ပိုပြီး ရုပ်လုံးကြွနေပါတယ်။ ဒီတပတ် ကစားမယ့်ပွဲ အပါအဝင် လက်ကျန်ပွဲက ၃ ပွဲ ကျန်သေးတော့ အသင်းတိုင်းမှာ မျှော်လင့်ချက် ကိုယ်စီ ရှိနေပါတယ်။ ချန်ပီယံလိဂ်က အုပ်စုမှာ တင်ကျန်ရစ်တာနဲ့ ရရှိမယ့် ဆုကြေးငွေ ပမာဏ၊ ရုပ်သံခတွေ ကလည်း မက်လောက်စရာ ဖြစ်နေလို့ လွယ်လွယ်နဲ့ အလျှော့ပေးမှာ မဟုတ်တဲ့ ပြိုင်ဆိုင်မှုတွေကို မြင်တွေ့ရမှာတော့ သေချာပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
