ဘယ်လ်ဂျီယမ် ဖြစ်ရပ်ဆိုး အတွက် ဝမ်းနည်း ကြေကွဲကြောင်းပြခဲ့ကြတဲ့ ပရီးမီးယားလိဂ် ကလပ်များ

ပရီးမီးယားလိဂ် ကလပ်တွေနဲ့ ဘောလုံးအဖွဲ့အစည်းတွေဟာ ဘယ်လ်ဂျီယမ်နဲ့ ဆွီဒင်တို့ ယူရို ၂၀၂၄ ခြေစစ်ပွဲကို ဖျက်သိမ်းရတဲ့ အထိ ဖြစ်စေခဲ့တဲ့ အကြမ်းဖက် တိုက်ခိုက်မှုကြောင့် သေဆုံးခဲ့ရသူတွေ အတွက် ထပ်တူထပ်မျှ ဝမ်းနည်းကြေကွဲကြောင်း သဝဏ်လွှာ ပေးပို့ခဲ့ကြပါတယ်။

တစ်နေ့ညက ဆွီဒင် အသင်း ဝတ်စုံ ဝတ်ဆင်ထားတဲ့ ပရိသတ် ၂ ဦးဟာ ဘယ်လ်ဂျီယမ်နဲ့ ဆွီဒင်တို့ ယှဉ်ပြိုင်ကစားခဲ့တဲ့ ဘရပ်ဆဲလ်မြို့က King Baudouin ကွင်းအနီးနားမှာ သေနတ်သမား တစ်ဦးရဲ့ ပစ်သတ်ခြင်းကို ခံခဲ့တာကြောင့် ဘယ်လ်ဂျီယမ် ရဲတပ်ဖွဲ့က အပူတပြင်း လိုက်လံ ရှာဖွေနေပါတယ်။

ISIS အကြမ်းဖက် အဖွဲ့ဝင်လို့ ယူဆရတဲ့ လူသတ်သမားကို ဘရပ်ဆဲလ်မြို့တလွှားမှာ လိုက်လံ ရှာဖွေမှုတွေ ပြုလုပ်နေချိန်အတွင်း ပရိသတ်တွေကို ကွင်းထဲမှာပဲ ထိန်းသိမ်းထားခဲ့ကြတာ ဖြစ်ပါတယ်။ သေနတ်နဲ့ ပစ်ခံခဲ့ရတဲ့ တတိယမြောက် ပရိသတ်တစ်ဦး ကလည်း ပြင်းပြင်းထန်ထန် ဒဏ်ရာရခဲ့တယ်လို့ သိရပါတယ်။

ဘယ်လ်ဂျီယမ် ဘောလုံးအဖွဲ့ချုပ် ကတော့ ပထမပိုင်းအပြီးမှာ ကစားသမားတွေနဲ့ တိုင်ပင်ခဲ့ပြီးနောက် လက်ရှိ ဖြစ်ပွားနေတဲ့ ဖြစ်စဉ်ကြောင့် ပွဲကို ဆက်မကစားသင့်ဘူးလို့ ဆုံးဖြတ်ခဲ့တာကြောင့် ပွဲကို ဖျက်သိမ်းကြောင်း ကြေညာခဲ့ပါတယ်။

ပရီးမီးယားလိဂ် ကစားသမား အများအပြား ကလည်း ပိတ်ချခံထားရတဲ့ ကွင်းထဲမှာ ပရိသတ် ထောင်ပေါင်းများစွာနဲ့ အတူ ရှိနေခဲ့ကြတာ ဖြစ်ပါတယ်။ အဲ့ဒီ အထဲမှာ မန်ချက်စတာယူနိုက်တက် နောက်ခံလူ ဗစ်တာ လင်ဒီလော့ဖ်၊ စပါး တောင်ပံ ကြယ်ပွင့် ကူလူဆက်ဗ်စကီး၊ ဖောရက်စ် တောင်ပံ ကြယ်ပွင့် အီလန်ဂါ တို့လည်း အပါအဝင် ဖြစ်ခဲ့ပါတယ်။

ဘောလုံး ကလပ်အသင်းတွေနဲ့ တာဝန်ရှိ အဖွဲ့အစည်းတွေဟာ တနင်္လာနေ့ ညနေ စိတ်နှလုံးကြေကွဲဖွယ် ဖြစ်စဉ်ကို လျင်လျင်မြန်မြန် တုံ့ပြန်ခဲ့ကြပြီး သူတို့ရဲ့ လူမှုကွန်ရက် ပလက်ဖောင်းတွေကို အသုံးပြုပြီး အားပေး ထောက်ခံကြောင်း သတင်းစကားတွေ ပေးပို့ခဲ့ကြတာ ဖြစ်ပါတယ်။

ပရီးမီးယားလိဂ်

ဘရန့်ဖို့ဒ်

ဘန်လေ

1X2 သရေ @ 3.45

ဘန်လေ အာရှ ဟန်းဒီးကပ် +0.75 @ 1.90

ဂိုးအောက် 2.50 @ 1.95

ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။

ဒီနေရာတွင် နှိပ်ပါ

နော်တင်ဟမ်ဖောရက်စ်က အားပေး ထောက်ခံကြောင်း ပထမဆုံး သတင်းစကား ပေးပို့ခဲ့တဲ့ ပရီးမီးယားလိဂ် ကလပ် ဖြစ်ပါတယ်။ ဒါ့အပြင် ဝေးလ်စ် ဘောလုံးအဖွဲ့ချုပ်၊ အိုင်ယာလန် ဘောလုံးအဖွဲ့ချုပ် တို့ကလည်း သားကောင် ဖြစ်ခဲ့သူတွေရဲ့ မိသားစုတွေနဲ့ ထပ်တူထပ်မျှ ရှိနေကြောင်း ထုတ်ပြန် ကြေညာခဲ့ပါတယ်။

ပွဲကို ဖျက်သိမ်းခဲ့ပြီးနောက် UEFAက အခြေအနေနဲ့ ပတ်သက်ပြီး ကြေညာချက်ထုတ် တုံ့ပြန်ခဲ့ပြီး ဘယ်လ်ဂျီယမ်ဟာ ယူရို ၂၀၂၄ ပြိုင်ပွဲ အတွက် ဝင်ခွင့် ရရှိထားပြီး ဖြစ်ပါတယ်။ ဒါပေမယ့်လည်း ဆွီဒင် ကတော့ ယူရို ၂၀၂၄ ဝင်ခွင့် မရသေးပါဘူး။

ကစားသမားတွေကို နောက်ဆုံးမှာ ကွင်းထဲ ကနေ လုံခြုံရေး ဝန်ထမ်းတွေနဲ့ ရဲတပ်ဖွဲ့ အစောင့်အရှောက်နဲ့ အတူ ဘတ်စ်ကားပေါ် အထိ ခေါ်ထုတ်ခဲ့ရပါတယ်။ ဆွီဒင် နည်းပြ ဂျန်နီ အန်ဒါဆန်က ပထမပိုင်း အပြီးမှာ ပစ်ခတ်မှု ဖြစ်စဉ်ကို အသင်းက သိရှိခဲ့ပြီး ပွဲကို ဖျက်သိမ်းလိုက်တဲ့ ဆုံးဖြတ်ချက်က မှန်ကန်တယ်လို့ သဘောတူညီခဲ့တာ ဖြစ်ပါတယ်။

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.