ဒီတစ်ခါ မှာတော့ ဇူလိုင်လ ၃ ရက်နေ့ ညနေခင်း အထိ ရရှိထားသမျှ ပရီးမီးယားလိဂ် သတင်းတွေကို ဖော်ပြပေးသွားမှာ ဖြစ်ပါတယ်။
တစ်ပတ် လုပ်ခ ပေါင် ၈ သိန်းနဲ့ ကမ်းလှမ်းခံထားရတဲ့ ဘာနာဒို ဆေးလ်ဗား
မန်ချက်စတာစီးတီး အသင်းရဲ့ ကွင်းလယ်လူ ဘာနာဒို ဆေးလ်ဗားကို ဆော်ဒီ ကလပ် အယ်လ်ဟီလယ်က တစ်ပတ် လုပ်ခ ပေါင် ၈ သိန်းနဲ့ ကမ်းလှမ်းထားတယ်လို့ သိရပါတယ်။ ဒီအတွက်ကြောင့် ဆေးလ်ဗားဟာ တစ်နှစ်ကို ပေါင်သန်း ၄၀ နီးပါး အထိ ရရှိမယ့် စာချုပ်ကို ချုပ်ဆိုနိုင်မှာလည်း ဖြစ်ပါတယ်။
ပရီးမီးယားလိဂ် ကလပ် ကတော့ ဘာနာဒို ဆေးလ်ဗား အတွက် ပြောင်းရွှေ့ကြေး ယူရိုသန်း ၈၀ ရမယ်လို့ သိရပါတယ်။ မန်စီးတီး အနေနဲ့ သူတို့ ကစားသမားကို လက်လွှတ်ဖို့ ဆုံးဖြတ်မယ် ဆိုရင် ထိုက်တန်တဲ့ ပြောင်းရွှေ့ကြေးကို ရရှိနိုင်မှာ ဖြစ်သလို ကစားသမားရဲ့ ဆုံးဖြတ်ချက်က အရေးပါလာပြီ ဖြစ်ပါတယ်။
ဆေးလ်ဗား ကတော့ ပြီးခဲ့တဲ့ရာသီ မကုန်ခင် ကတည်းက မန်စီးတီး ကနေ ထွက်ခွာမယ်လို့ သတင်းတွေ ထွက်နေခဲ့တာပါ။ အခု သူ့ကို ကမ်းလှမ်းထားမှု ကလည်း မက်မောဖွယ်ရာ ကောင်းနေတာကြောင့် ဆော်ဒီကို သွားမလား ဆိုတာ စောင့်ကြည့်ရတော့မှာ ဖြစ်ပါတယ်။
လစ်ဗာပူးလ်မှာ ဂန္ထဝင်နံပါတ်ကို ဝတ်ဆင်မယ့် ဆိုဘော့စ်ဇ်လိုင်
လစ်ဗာပူးလ်ကို ရောက်ရှိခဲ့ပြီ ဖြစ်တဲ့ ကွင်းလယ် တိုက်စစ် ကစားသမား ဒိုမိနစ်ခ် ဆိုဘော့စ်ဇလိုင်ဟာ အသင်း ဂန္ထဝင် ကစားသမား စတီဗင် ဂျရတ်ရဲ့ ကျောနံပါတ် ၈ ကို ဆက်ခံသွားမယ်လို့ သိရပါတယ်။ သူ့အတွက်တော့ ဒါဟာ ဂုဏ်ယူစရာ တစ်ခု ဖြစ်ပြီး ဒီနံပါတ်ကို သူ ကလေးဘ၀ ကတည်းက သဘောကျနေခဲ့တာလို့် ကစားသမားက ဆိုပါတယ်။
“ ကျနော် နံပါတ် ၈ ကို ဝတ်ဆင်မှာပါ၊ စတီဗင် ဂျရတ်ရဲ့ အဲဒီ နံပါတ်ကို ကျနော် တက်တူး ထိုးတာပါ၊ ဒါကြောင့်လည်း ဒီနံပါတ်ကို ရွေးချယ်ခဲ့တာပါ၊ ကျနော် ကလေးဘ၀ ကတည်းက သူကစားတာကို ကြည့်ခဲ့ရပြီး သူက အကြီးကျယ်ဆုံး ကစားသမား တစ်ဦးပါပဲ”
“ ကျနော့်ကို ယာဂင် ကလော့ပ်က ခေါ်ယူခဲ့တာပါ၊ အမှန်ပါပဲ၊ သူ ကျနော့်ကို ဆက်သွယ်လာချိန်မှာ အိုကေလို့ ကျနော် ပြောခဲ့ပြီးတော့ အရမ်းကောင်းမွန်တဲ့ အရာ တစ်ခု ဖြစ်လာခဲ့ပါတယ်၊ အရာ အားလုံးလည်း ပြည့်စုံခဲ့ပါတယ်” လို့ ပရီးမီးယားလိဂ် ကလပ်နဲ့ စာချုပ်ချုပ် အပြီးမှာ ပြောဆိုခဲ့ပါတယ်။
မေဆန်မောင့်ကို ဒီနေ့မှာ ဆေးစစ်မှုတွေ ပြုလုပ်သွားမယ့် ယူနိုက်တက်
မန်ချက်စတာယူနိုက်တက် အသင်းဟာ ချဲလ်ဆီး ကနေ ခေါ်ယူဖို့ သဘောတူညီမှု ရရှိထားတဲ့ မေဆန်မောင့်ကို ဒီနေ့မှာ ဆေးစစ်မှုတွေ ပြုလုပ်သွားမှာ ဖြစ်ပါတယ်။ ကစားသမားကို ၅ နှစ် စာချုပ်ချုပ်ဆိုသွားမှာ ဖြစ်ပြီး သူဟာ ယူနိုက်တက် ကစားသမားသစ် ဖြစ်လာတော့မှာလည်း ဖြစ်ပါတယ်။
၂၀၂၈ ဇွန်လ အထိ စာချုပ် သက်တမ်းရှိမှာ ဖြစ်ပြီး နောက်ထပ် ၁ နှစ် သက်တမ်း တိုးခွင့်လည်း ပါဝင်တယ်လို့ သိရပါတယ်။ မေဆန်မောင့် အတွက် ပေါင် ၅၅ သန်းကို ပေးချေရမှာ ဖြစ်ပြီး အပိုဆုကြေး ပေါင် ၅ သန်း ကတော့ လာမယ့်် ၅ နှစ် အတွင်း ယူနိုက်တက်နဲ့ အတူ မေဆန် မောင့်က ဆုဖလား ဆွတ်ခူးနိုင်ရင် ထပ်မံ ပေးချေရမှာပါ။
ဒါကြောင့် အခုတပတ် အတွင်း မှာပဲ ယူနိုက်တက်က မေဆန်မောင့်ကို သူတို့ရဲ့ ကစားသမားသစ် အဖြစ် ကြေညာဖွယ်ရာ ရှိနေပါတယ်။ အင်္ဂလန် ကစားသမား အတွက်တော့ စွန့်စားခန်းသစ် တစ်ခုကို စတင်ရတော့မှာလည်း ဖြစ်ပြီး ယူနိုက်တက်မှာ ခြေစွမ်းပြနိုင်ဖို့ မျှော်လင့်နေကြပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
