ချဲလ်ဆီးကို လျှော့တွက်မှာ မဟုတ်ဘူး ဆိုတဲ့ အန်ဆယ်လော့တီ၊ လာမယ့် ရာသီမှာ မက်ဆီနဲ့ တွဲကစားခွင့်ရဖို့ မျှော်လင့်နေတဲ့ လီဝမ်ဒေါစကီး စတဲ့ သတင်းတွေ အပါအဝင် ဧပြီလ ၁၂ ရက်နေ့ရဲ့ လာလီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ချဲလ်ဆီးကို လျှော့တွက်မှာ မဟုတ်ဘူးလို့ ပြောဆိုလိုက်တဲ့ အန်ဆယ်လော့တီ
ရီးရဲလ်မက်ဒရစ် နည်းပြ ကာလို အန်ဆယ်လော့တီက ချန်ပီယံလိဂ် ကွာတားဖိုင်နယ် အဆင့်မှာ ထိပ်တိုက် တွေ့ဆုံနေတဲ့ ပြိုင်ဘက် ချဲလ်ဆီးကို လျှော့တွက်သွားမှာ မဟုတ်ဘူးလို့ ဖွင့်ဟ ပြောကြားလိုက်ပါတယ်။
လာလီဂါ ဘီလူးကြီးဟာ ဒီကနေ့ညမှာ ချန်ပီယံလိဂ် ကွာတားဖိုင်နယ် ပထမအကျော့ အဖြစ် ချဲလ်ဆီးကို အိမ်ကွင်းမှာ လက်ခံကစားရမှာ ဖြစ်ပါတယ်။ ချဲလ်ဆီး နည်းပြဟောင်း အန်ဆယ်လော့တီ အတွက်တော့ ဒီပွဲက အသင်းဟောင်းကို ပြန်လည် ရင်ဆိုင်ရမယ့် ပွဲစဥ် တစ်ပွဲလည်း ဖြစ်ပါတယ်။
ချဲလ်ဆီးဟာ ဒီရာသီမှာ နည်းပြ အပြောင်းအလဲတွေနဲ့ အတူ ခြေစွမ်းနဲ့ ရလဒ်ပိုင်း မတည်မငြိမ်ဘဲ ရီးရဲလ်မက်ဒရစ် ကသာ ဆီမီးဖိုင်နယ်ကို တက်ရောက်နိုင်ဖို့ ရေပန်းစားနေပါတယ်။ ဒါပေမယ့်လည်း အန်ဆယ်လော့တီ ကတော့ ကျွန်တော်တို့ ချဲလ်ဆီးကို လျှော့တွက်မှာ မဟုတ်ကြောင်း၊ သူတို့က ထိပ်တန်း ကစားသမား စာရင်းကို ပိုင်ဆိုင်ထားတဲ့ ထိပ်တန်း အသင်း တစ်သင်း ဖြစ်ကြောင်း၊ ပွဲအစကတည်း ကနေ အပြည့်အဝ အာရုံစိုက်ရမှာ ဖြစ်ပြီး နိုင်ပွဲရဖို့ ကြိုးစားရမှာ ဖြစ်ကြောင်း၊ သူတို့ရဲ့ အပြောင်းအလဲတွေက ဒီပွဲမှာ လွှမ်းမိုးမှု ရှိလာနိုင်တာကို သိထားကြောင်း ပြောကြားသွားခဲ့ပါတယ်။
လာမယ့် ရာသီမှာ မက်ဆီနဲ့ တွဲကစားခွင့်ရဖို့ မျှော်လင့်နေတဲ့ လီဝမ်ဒေါစကီး
မက်ဆီဟာ လက်ရှိအချိန်မှာ ပီအက်စ်ဂျီ ကနေ ထွက်ခွာဖို့ သတင်းတွေ ကျယ်လောင်စွာ ထွက်ပေါ်နေပြီး လာလီဂါ ကလပ် ဘာစီလိုနာ ကလည်း မက်ဆီကို ပြန်လည် ခေါ်ယူဖို့ ဆန္ဒရှိနေပါတယ်။ လီဝမ်ဒေါစကီး ကလည်း မက်ဆီက ဘာစီလိုနာရဲ့ မူပိုင်တစ်ခု ဖြစ်ကြောင်း၊ သူ့ကို နူးကမ့်မှာ ပြန်လည် မြင်တွေ့ခွင့်ရမှာက တကယ်ကို အံ့အားသင့်စရာ ဖြစ်နိုင်ကြောင်း၊ ဘာစီလိုနာက သူ့ရဲ့ အိမ်ဆိုတာ သိထားကြောင်း ပြောကြားခဲ့ပါတယ်။
ဒါ့အပြင် ဘာတွေ ဆက်ဖြစ်မယ် ဆိုတာကို မသိပေမယ့် လာမယ့် ရာသီမှာ မက်ဆီနဲ့ ဘာစီလိုနာမှာ တွဲကစားခွင့်ရဖို့ မျှော်လင့်ထားကြောင်းလည်း လီဝမ်ဒေါစကီးက ထပ်လောင်း ပြောကြားသွားခဲ့ပါတယ်။
ချဲလ်ဆီး ရုန်းကန်နေရတာကို ဝမ်းနည်းပေမယ့် ချဲလ်ဆီးကို ပြန်မသွားဘူး ဆိုတဲ့ အန်ဆယ်လော့တီ
အန်ဆယ်လော့တီရဲ့ ရီးရဲလ်မက်ဒရစ်ဟာ ဒီနေ့ညမှာ ချဲလ်ဆီးကို ချန်ပီယံလိဂ် ကွာတားဖိုင်နယ် ပထမအကျော့ ပွဲစဥ် အဖြစ် အိမ်ကွင်းမှာ ဧည့်ခံကစားရမှာပါ။ ဒီပွဲမတိုင်ခင်မှာ လာလီဂါ ကလပ်ရဲ့ နည်းပြ အန်ဆယ်လော့တီက ချဲလ်ဆီး ရုန်းကန်နေရတာကို မြင်ရတာ ဝမ်းနည်းမိကြောင်း၊ ကျွန်တော်လည်း ချဲလ်ဆီး ပရိသတ် အဖြစ် ရှိနေဆဲ ဖြစ်ပြီး အဲ့ဒီမှာ ကောင်းမွန်တဲ့ ရာသီ (၂)ခု ဖြတ်သန်းခဲ့ကြောင်း ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
