အခုတစ်ခါ မှာတော့ ၂၀၂၂ ကမ္ဘာ့ဖလား ပြိုင်ပွဲဝင် ဂျပန် အသင်းရဲ့ သမိုင်းကြောင်း၊ အောင်မြင်မှုနဲ့ သိထားသင့်တဲ့ အချက်အလက် တစ်ချို့ကို SBOTOP ပရိသတ်တွေ အတွက် ဖော်ပြပေးချင်ပါတယ်။
ဂျပန် လက်ရွေးစင် အသင်း အကျဉ်းချုပ်
ဂျပန်က နိုင်ငံတကာပွဲတွေကို ၁၉၁၇ ခုနှစ် ကတည်းက စတင်ကစားနေခဲ့တာ ဖြစ်ပါတယ်။ အဲဒီ အချိန်ကတော့ တိုကျို အထက်တန်းကျောင်း တစ်ခုကို ကိုယ်စားပြုခဲ့တာ ဖြစ်ပြီး နောက်ပိုင်းမှာမှ နိုင်ငံ ကိုယ်စားပြု လက်ရွေးစင် အသင်း အဖြစ် ပေါ်ထွက်လာခဲ့တာ ဖြစ်ပါတယ်။ ဂျပန် ဘောလုံး အဖွဲ့ချုပ်ကို ၁၉၂၁ ခုနှစ်မှာ စတင် ဖွဲ့စည်းခဲ့ပြီး ၁၉၂၉ ခုနှစ်မှာ ဖီဖာရဲ့ အဖွဲ့ဝင် နိုင်ငံ ဖြစ်လာခဲ့ပါတယ်။
ဒီနေရာမှာ ထူးခြားချက်တဲ့ သမိုင်း မှတ်တမ်း တစ်ခုကို ဖြည့်စွက် ပြောရမယ် ဆိုရင် ကိုရီးယားကို ဂျပန်နိုင်ငံက အုပ်ချုပ်ထားစဉ် အချိန်ကာလတွေမှာ ကိုရီးယား လူမျိုးတွေဟာ ပြိုင်ပွဲကြီးတွေမှာ ဂျပန်နိုင်ငံ ကိုယ်စားပြု အဖြစ်နဲ့ ဝင်ရောက် ကစားပေးခဲ့ရတာမျိုးတွေ ရှိဖူးတာ ဖြစ်ပါတယ်။ အဲ့ဒီ အထဲမှာ တောင်ကိုရီးယားရဲ့ နာမည်ကျော် ပုဂ္ဂိုလ်တွေ ဖြစ်တဲ့ ကင်ယွန်ဆစ်၊ ကင်ဆောင်ဂန်း၊ လီယိုဟောင် တို့လို ပုဂ္ဂိုလ်တွေလည်း ပါဝင်ခဲ့တာ ဖြစ်ပါတယ်။
အမည်ပြောင် -အပြာရောင်ဆာမူရိုင်း
အဖွဲ့ချုပ် – ဂျပန် ဘောလုံးအဖွဲ့ချုပ်
အရောင် – အပြာ၊ အဖြူ
နည်းပြချုပ် – ဟာဂျီမီ မိုရီယာဆု
အသင်းခေါင်းဆောင် – မာယာ ယိုရှီဒါ
ပွဲအများဆုံး ကစားထားသူ – ယူဆူဟီတို အန်ဒို (၁၅၂ ပွဲ)
ဂိုးအများဆုံး သွင်းထားသူ – ကာမာမိုတို (၇၅ ဂိုး)
ဖီဖာအဆင့်ရပ်တည်မှု – ၂၄ (၂၀၂၂၊ ဩဂုတ် အထိ)
ပထမဆုံး နိုင်ငံတကာပွဲ
ဂျပန် ၀-၅ တရုတ် (မေ ၉၊ ၁၉၁၇)
အကြီးမားဆုံး နိုင်ပွဲ
ဂျပန် ၁၅-၀ ဖိလစ်ပိုင် (စက်တင်ဘာ ၂၇၊ ၁၉၆၇)
အကြီးမားဆုံး ရှုံးပွဲ
ဂျပန် ၂-၁၅ ဖိလစ်ပိုင် (မေ ၁၀၊ ၁၉၁၇)
ကမ္ဘာ့ဖလား မှတ်တမ်းနဲ့ အောင်မြင်မှု
ဂျပန်က ကမ္ဘာ့ဖလား ကို ၁၉၉၈ ခုနှစ်မှ ပထမဦးဆုံး အကြိမ် ဝင်ရောက် ကစားခဲ့ဖူးတာ ဖြစ်ပါတယ်။ အဲဒီ အချိန်က စပြီး ဂျပန်တို့ ဆက်တိုက် ပါဝင် ကစားခွင့် ရနေခဲ့ပြီး ဒီတစ်ကြိမ်နဲ့ ဆိုရင် ၇ ကြိမ် ဆက်တိုက် ယှဉ်ပြိုင်ခွင့် ရခဲ့တာ ဖြစ်ပါတယ်။ ၂၀၀၂ ကမ္ဘာ့ဖလား ကို ဂျပန်တို့ တောင်ကိုရီးယားနဲ့ ပူးတွဲ အိမ်ရှင် အဖြစ် လက်ခံ ကျင်းပခဲ့ပြီး ၁၆ သင်း အဆင့်အထိ တက်ရောက် နိုင်ခဲ့ပါတယ်။ ပြီးခဲ့တဲ့ ၆ ကြိမ်မှာ ဂျပန်တို့ အုပ်စု အဆင့်၊ ၁၆ သင်း အဆင့်၊ အုပ်စု အဆင့်၊ ၁၆ သင်း အဆင့်၊ အုပ်စု အဆင့်၊ ၁၆ သင်း အဆင့် ဆိုပြီး တလှည့်စီ ဖြစ်နေတာ ကလည်း ထူးခြားမှု တစ်ခုပါပဲ။ လာမယ့် ကာတာ ကမ္ဘာ့ဖလား မှာလည်း တိုက်တိုက်ဆိုင်ဆိုင် မရဏ အုပ်စုထဲ ရောက်နေလို့ ဒီပုံ အတိုင်းသာ ဆိုရင် ဆာမူရိုင်းတို့ အုပ်စု အဆင့်နဲ့ပဲ ဖျာလိပ်ရဦးမလား ဆိုတာ စောင့်ကြည့်ရဦးမှာ ဖြစ်ပါတယ်။
အခြားအောင်မြင်မှု
ဂျပန်တို့ ကမ္ဘာ့ဖလား မဟုတ်တဲ့ အခြား နိုင်ငံ အဆင့် အောင်မြင်မှု ဆိုရင်တော့ အာရှ ချန်ပီယံ ၄ ကြိမ် အထိ ဖြစ်ထားပြီး ဖီဖာ ကွန်ဖက်ဒရေးရှင်း ဖလား ပြိုင်ပွဲမှာ ဒုတိယ ၁ ကြိမ် ရခဲ့ဖူးပါတယ်။ ၁၉၆၈ အိုလံပစ် ပြိုင်ပွဲမှာ ကြေးတံဆိပ် ဆွတ်ခူးခဲ့ပြီး အရှေ့အာရှ အားကစား ပြိုင်ပွဲတွေ မှာလည်း ဂျပန် ဗိုလ်စွဲခဲ့ဖူးပါတယ်။ ပြောရမယ် ဆိုရင် ဂျပန်တို့ ကမ္ဘာ့အဆင့်မှာ တိုးမပေါက်ပေမယ့် အာရှတိုက် မှာတော့ အအောင်မြင်ဆုံး အသင်း အဖြစ် ရပ်တည်နေပါတယ်။ လာမယ့် ကမ္ဘာ့ဖလား ပြိုင်ပွဲမှာ ဂျပန်တို့ အုပ်စု E မှာ ကော်စတာရီကာ၊ ဂျာမနီ၊ စပိန်တို့နဲ့ တစ်အုပ်စုတည်း ကျရောက်နေပြီး ရှုံးထွက်တက်ရေး မျှော်လင့်ချက် ကတော့ တော်တော်လေး နည်းနေတယ်လို့တောင် ပြောလို့ ရပါတယ်။
ကစားမည့်ရက်
ဂျပန် – ဂျာမနီ (နိုဝင်ဘာ ၂၃)
ဂျပန် – ကော်စတာရီကာ (နိုဝင်ဘာ ၂၇)
စပိန် – ဂျပန် (ဒီဇင်ဘာ ၁)
ဗိုလ်စွဲရန် အလေးပေးမှု
၂၅၀၀၀
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
