တန်းဆင်းဇုန်ထဲက ပါးမားကိုတော့ အနိုင်ရဖို့သေချာတဲ့ ဂျူဗင်တပ်စ်

ဂျူဗင်တပ်စ် – ပါးမား

ဂျူဗင်တပ်စ်တို့ အခုတစ်ပတ် ကြာသပတေးနေ့ မှာ စီးရီးအေ တန်းဆင်းဇုန် ထဲက ပါးမားနဲ့ ကစားရမှာ ဖြစ်လို့ ပွဲချောင်နေပါတယ်။ တိုက်စစ်မှူးကြီး ခရစ္စတီယာနိုရော်နယ်ဒို ဒဏ်ရာက ပြန်လည်သက်သာလာပြီဖြစ်လို့ အန်ဒရီယာ ပီယာလိုရဲ့ အသင်းက အလွယ်တကူ နိုင်ပွဲရဖို့ များနေပေမယ့် တန်းမဆင်းရဖို့ ရုန်းကန်နေရတဲ့ ပြိုင်ဘက် ပါးမား အတွက် ကတော့ ကံဆိုးတယ်လို့ပဲ ဆိုရမှာပါ။

ဂျူဗင်တပ်စ်တို့ ပြီးခဲ့တဲ့ စီးရီးအေ ပွဲစဉ် ၃၂ မှာ ခရစ္စတီယာနို ရော်နယ်ဒို ဒဏ်ရာကြောင့် မကစားနိုင်ခြင်းနဲ့ အတူ အတ္တလန္တာကို ရှုံးနိမ့်ခဲ့လို့ ချန်ပီယံလိဂ်ဝင်ခွင့် အတွက် အမှားလုံးဝ လုပ်ခွင့်မရှိတော့တဲ့ အခြေအနေ ဖြစ်သွားခဲ့ပါတယ်။ ရော်နယ်ဒို မပါရင် နိုင်ပွဲမရခဲ့တဲ့ စံချိန်ဆိုးတစ်ခုကို ဆက်ထိန်းခဲ့တဲ့ ဂျူဗင်တပ်စ်တို့ အခုပွဲမှာတော့ ရော်နယ်ဒို ပြန်ကစားနိုင်ခြင်းနဲ့ အတူ တန်းဆင်းဇုန်ထဲက အသင်းနဲ့ တွေ့ဆုံနေလို့ သက်တောင့်သက်သာ ကစားပြီး ၃ မှတ်ယူလို့ ရနေပါတယ်။ လက်ရှိ စီးရီးအေ ထိပ်ဆုံး ၄ သင်းနေရာအတွက် အေစီမီလန်၊ အတ္တလန္တာ၊ ဂျူဗင်တပ်စ်၊ နာပိုလီ နဲ့လာဇီယိုတို့ အပြိုင်ဖြစ်နေခဲ့တာပါ။ နာပိုလီ ဟာလည်း အင်တာမီလန်နဲ့ ကစားခဲ့ရပြီး ၁ မှတ်ပဲ ရရှိခဲ့တာကြောင့် ဂျူဗင်တပ်စ်တို့ အဆင့် ၄ နေရာမှာ ဆက်လက် ရပ်တည်နိုင်ခဲ့တာ ဖြစ်ပါတယ်။ အဓိကကစားသမား ၂ ဦးဖြစ်တဲ့ ခီယေဆာနဲ့ ဘာနက်ဒက်ရှီတို့ကတော့ ဒဏ်ရာ အသီးသီးရထားလို့ အခုပွဲကို လွဲချော်ပါလိမ့်မယ်။

ပါးမားကတော့ လက်ရှိ စီးရီးအေ အမှတ်ပေးဇယား အဆင့် ၁၉ နေရာမှာ ရပ်တည်နေပြီး တန်းဆင်းဇုန် အထက်က ဘန်နီဗန်တို အသင်းနဲ့ ၁၀ မှတ်အထိ ကွာဟနေပါတယ်။ အခုလို ရမှတ် မဖြစ်မနေ လိုအပ်နေတဲ့ အချိန်မှာ တစ်ဖက်ကလည်း ၃ မှတ် အပြည့်ယူနိုင်ဖို့ ကြိုးစားလာမယ့် ဂျူဗင်တပ်စ်လို အသင်းမျိုးနဲ့ ကစားရတာ ပါးမား အတွက်တော့ ကံဆိုးတာထက် ပိုပါတယ်။ ပါးမားတို့ နောက်ဆုံး ၅ ပွဲမှာ ရိုးမားကို အနိုင်ယူပြီး ရုန်းထနိုင်မယ်လို့ ထင်ခဲ့ပေမယ့် ဂျီနိုအာကို ရှုံး၊ ဘန်နီဗန်တိုနဲ့ သရေ၊ အေစီမီလန်၊ ကက်ဂလီယာရီကို ရှုံးခဲ့လို့ တန်းဆင်းရဖို့ ရာခိုင်နှုန်းများသွားတာ ဖြစ်ပါတယ်။ ပြီးခဲ့တဲ့ တန်းဆင်းဇုန် တိုက်ပွဲမှာ ဆိုရင် ပါးမားတို့ ကက်ဂလီယာရီကို မိနစ် ၉၀ ပြည့်ချိန် အထိ ၃-၂ နဲ့ ဦးဆောင်နိုင်ခဲ့ပြီးမှ နာကျင်အချိန်ပိုမှာ ၂ ဂိုးဆက်ပေးခဲ့ရလို့ ရင်နာနာနဲ့ အိမ်ပြန်ခဲ့ရတာ ဖြစ်ပါတယ်။ အခုပွဲမှာတော့ ပါးမားရဲ့ ကစားသမား ၉ ဦးလောက် ကတော့ ဒဏ်ရာ ပြသနာတွေကြောင့် ပါဝင်ကစားနိုင်ဖို့ မရှိဘူးလို့ သိရပါတယ်။

ဂျူဗင်တပ်စ်နဲ့ ပါးမားတို့ရဲ့ နောက်ဆုံး တွေ့ဆုံမှု ၁၆ ကြိမ်မှာ ဂျူဗင်တပ်စ်တို့ ပါးမားကို ၁၀ ကြိမ်အထိ အနိုင်ရပြီး ၃ ကြိမ် သရေကျကာ ၃ ကြိမ် ရှုံးထားပါတယ်။ ပြီးခဲ့တဲ့ ၃ ကြိမ် တွေ့ဆုံမှု မှာတော့ ဂျူဗင်တပ်စ်တို့ ၃ ကြိမ်စလုံး အနိုင်ရခဲ့ပြီး အခုရာသီ စီးရီးအေ ပထမအကျော့ ပါးမားကွင်း မှာလည်း ဂျူဗင်တပ်စ်တို့ ရော်နယ်ဒိုရဲ့ သွင်းဂိုး ၂ ဂိုး အပါအဝင် ၄-၀ နဲ့ အနိုင်ရထားခဲ့ပါတယ်။

လောင်းကစားဆိုင်ရာအကြံပြုချက်များ

	ဂျူဗင်တပ်စ် – ပါးမား	အချိန်ပြည့် 1X2 အိမ်ရှင် @ 1.26
	ဧပြီလ ၂၂ ရက်, ည ၁:၁၅ နာရီ (GMT + ၆:၃၀)

1X2 ရဲ့ ပေါက်ကြေးအရ အိမ်ရှင်အသင်းအတွက် ၁.၉၅ ဆ နဲ့ ဧည့်သည်အသင်းအတွက် ၁၂.၀၀ ဆ ကြေးဖွင့် ပြီး သရေအတွက် ၆.၀၀ ဆ ကြေးဖွင့်ထားတာ တွေ့ရပါတယ်။ ဂျူဗင်တပ်စ်တို့ ပြီးခဲ့တဲ့ရှုံးပွဲကို အခုပွဲမှာ ပေါက်ကွဲပြပါလိမ့်မယ်။ မှားလို့မရတော့ဘူးဆိုတဲ့ အသိစိတ်က ဂျူဗင်တပ်စ် ကစားသမားတွေကို နိုင်ပွဲရဖို့ တွန်းအားဖြစ်စေမှာပါ။ ပါးမားရဲ့ တန်းဆင်းဇုန် ရုန်းအားကိုလည်း မေ့ထားလို့ရပါတယ်။ ဂျူဗင်တပ်စ်တို့ အနည်းဆုံး ၂ ဂိုးပြတ်နဲ့ အနိုင်ရပါလိမ့်မယ်။

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )